LYNNONG-2 KI KHANATANG HALOR KA JINGPYNLONG BAD KI KHANATANG NIAM HA KA POITRI KHASI ( )

Transcription

1 Lynnong-II

2 LYNNONG-2 KI KHANATANG HALOR KA JINGPYNLONG BAD KI KHANATANG NIAM HA KA POITRI KHASI ( ) Ka Maitphang: Shuwa ban poi sha ka bynta kaba kongsan ha kane ka lynnong, kata ban i't bniah bad ban bishar sani bha i'a ki khanatang halor jingpynlong kumba ki paw ha ka poitri Khasi, la sngew donkam ban batai lyngkot halor ki khanatang jong ka jingpynlong. Ki Khanatang halor ka Jingpynlong (Creation Myths): Ka kyntien 'jingpynlong' (creation) ka thew ne kdew la ka jingsdang jong kiei kiei. Kumta 'ki khanatang halor ka jingpynlong' ki lathuh la ka jingsdang ki jingpynlong ha kane ka pyrthei kynthup i'a kiba don jingim bad bym don jingim kumjuh. Ki khanatang halor ka jingpynlong ki lathuh ruh kumno la thaw bad la pynlong la ka pyrthei mariang bad ruh kumno u briew u wan ban shong ha kane ka pyrthei, bad ruh kumjuh ki batai i'a ka jingsdang jong kano kano ka jaitbynriew ha sla jong kane ka pyrthei. Ki khanatang halor ka jingpynlong ki lathuh ruh i'a ka jingsdang jong kano kano ka kynhun bynriew bad ki kpa tymmen jong kano kano ka kur ka jait ha kane ka pyrthei. Kumta ki khanatang halor ka jingpynlong ki kren shaphang kumno u Blei ne ki blei ki la pynlong bad thaw ia ka suiii bneng bad la ka pyrthei baroh kawei, ia ki jingthung jingtep bad ki mrad ki mreng kumjuh. Ha ki khanatang tynrai jong kano kano ka ri, ka don ka nongmei nongpa kaba khlain bha kaba pyniabyrshem ia kane ka jingsdang bad ka jingkha thymmai ia ki kpa tymmen ba nyngkong eh jong kano kano ka jaitbynriew, 29

3 'la ka kur ka jait ne wat Ta ka it ka muluk.'*^ Ka Mary MagouHck haba kren shaphang ki khanatang halor ka jingpynlong ka batai ba kumno kita ki jingpynlong ki wan urlong ha ka pyrthei mariang. Ka kren ruh la ka jingsdang jong ki bynta bapher jong ka mariang ha ka jingiatyngkhuh bad ka jingim briew ha kaba bunsien ki khanatang ki dei ki jingiathuhkhana kiba kren shaphang ka tynrai ne ka jingsdang jong ka pyrthei mariang, wat la bunsien ka thew kyrpang "ia kano kano ka kynhun bynriew bad ki jinglong tynrai ha ka. Ki khanatang bunsien ki kren ruh la ka jingsdang jong ki bynta bakongsan jong kano kano ka kolshor, la ha ka bam ka dih, ka dawai dashin, ki jingleh niam leh rukom bad kiwei de."^^ Ki khanatang halor ka jingpynlong ki kren ruh shaphang ka jingsdang jong kano kano ka jaitbynriew ba kyrpang bad ban pyni i'a kata ka jinglong ba kyrpang jong ka ha baroh ki liang jong ka imlang sahlang jong kata ka jaitbynriew. U Asoka Kumar Sen haba u kren ia kane ka jinglong kyrpang jong kano kano ka jaitbynriew u ong ba ki khanatang halor ka jingpynlong ki mih khnang ban buh jingthoh la ki jingjia ba la jia ha ki por mynbarim, ban pynithuh Ya ka jinglong tynrai jong kano kano ka kynhun bynriew kaba im ha ka juk bad ka por ba thikna. Ki khanatang halor ka jingpynlong ki pynpaw la ka jingbyrshem jong kawei ka kynhun bynriew bad kiwei pat. Ki pynpaw shynna i'a ka jinglong tynrai la jong bad ki pynskhem ruh Ta ka tynrai jong ka imlang sahlang ha kaba ka don. Kumta ki khanatang ki long kum ki kyndon ba ryntih jong ka imlang sahlang ym kum kaei kaei kaba shu 47. Jan Knappert & E. J. Brill, Bantu Myths And Other Tales, p dt. 21/4/

4 mutdur ne bym shisha. '^^ U Peter B. Hammond haba u kren shaphang ki khanatang halor ka jingpynlong u kdew ruh sha ka jingsdang jong ka jingim briew ha kane ka pyrthei bad ka jingiadei kaba jan jong u bad ki sawdong sawkun ka mariang da kaba u ong ba ka kyntien khanatang borabor ka batai la ka jinghiar pateng, ka iathuh 'la ka jingim jong u briew ha jingiadei jong u bad ka mariang, bad ruh ki bor ba mai'an jong ka. Kine ki khana ki Tathuh ruh shaphang ka jingsdang jong ka pyrthei, ki briew, ki mrad ki mreng bad ha kaba bunsien kine ki don ka jing'iadei kaba jan bha bad ki rukom pyrkhat pyrdaifi jong ka kynhun bynriew.^^ Ki Khasi ki don Ta kine ki khanatang kiba batai shaphang ka jingpynlong i'a ka pyrthei mariang bad ruh kumno u briew u wan long briew sha kane ka pyrthei ha ka jaitbynriew Khasi. Ban pynshai kham bha halor kine ki jait khanatang jong ka jaitbynriew Khasi la ai harum la ki jingthoh jong ki katto katne ki nongthoh kiba kynthoh halor ki jingpynlong ha ka mariang bad kumno ka jaitbynriew Khasi ka wan long briew sha kane ka pyrthei kumba ka long mynta. U H. Elias ha ka jingiathuh jong u halor kane ka phang u ong ba naduh myn-nyngkong ka sngi, ym don ei ei ruh ha kane ka pyrthei. U Blei Nongbuh Nongthaw u la pynlong tang i'a ka Ramew hi marwei bad ia u Basa u tnga jong ka. Kine ar ngut ki la la im suk im sain hynrei kaba pynkhuslai i'a ki syni'a-sngi ka long ba kim don khun don kti satia. Ka Ramew ka la duwai miet-step la u Blei bad ka la kyrpad na U ba un ai tang i 'matkylliang ban sah la ka jait ka kynja. U Blei u la sngap kyndiang i'a ki jingkyrpad jong ka bad u la ai san ngut ki khun. Kita ki long ka Sngi, u Bnai, ka Um, ka Lyer bad ka Ding. Ka Sngi ka la long ka khun phrangsngi kaba la 49. Arupjyoti Saikia (Quest Editor), Indian Folklife, A Quarterly Newsletter, SI. No. 28, January 2008, p Peter B. Hammond, An Introduction To Cultural And Social Anthropology, New York, Macmillan Publishing Co., Inc. 1971, p

5 lohi shuwa Ta ka pyrthei-ka-jaka bad ka Ding pat ka long ka khun khlieng kpoh, kaba ri ba sumar i'a ka i'ing ka sem kumba ju dei ka dustur khunkhatduh. Kumta ka Ramew ka la sngew phuhmat ba la roi parum pareh ka ling ka sem, ka jait ka kynja. Kumta ba la don ka Sngi, ka Um, ka Lyer, la man ka dieng-ka-siej, la phuh u syntiew u skud bad ka pyrthei-ka-mariang baroh ka la pliah-rong hi shaid. Ynda la katto katne por, ka Ramew ka la kyrpad biang m u Blei ba un sngewbha sngewsynei ban ai u nongsynshar nongpyniaid u ban phikir, u ban sharai Ta ka pyrthei mariang. U Blei haba u i'ohi ia ka jingtrei shitom jong ka Ramew ban pyniphuh iphieng Ta ka mariang, U la kular ban pynhun Ta kata ka jingkwah jong ka. Kumta la long ka dorbar-bah dorbar-san ha bneng, Tano ban phah ban wan synshar ha kane ka pyrthei. Hapdeng ka jingtasaid Tapyni bun bun sngi, la rai ban phah na ki khathynriew bynriew ba shong ha bneng, hyrmiew bynriew Ta kiba la khot 'Ki Hynniew Trep ne Hyniiiew Skum' kin wan ban shong ha kane ka pyrthei ban trei ban ktah bad ban pynroi pynman Ta ka.^' Katba u Dondor Giri Nongkhlaw pat ha ka jingbatai jong u kumno la pynlong Ta ka pyrthei mariang bad ka jingsdang jong kiei kiei ha ka, shuwa ba u Hynniew Trep Hyniiiew Skum un wan ban shong ban sah ha kane ka pyrthei u Tathuh ba ha kaba nyngkong ka Pyrthei ka dap tang da ki maw suda bad ym don jingim satia ha ka, Ta kaba la khot ka Ramew. Ka Ramew ka la kyrpad ha u Blei ba un ai ha ka Ta u tnga khnang ba kan pynphuh pynphieng Ta ka mariang bad ba ka burom u Blei kan phalang ha pneh jong ka. Lyngba ka Dorbar Blei ka ba-ar, la Tamynjur ban phah Ta u Basa ban long u tnga Ta ka Ramew. Kine ki la Toh san ngut ki khun kata, ka Sngi, u Bnai, ka Lyer, ka Um bad ka Ding. Hadien katto katne por ka Ramew ka la Tap noh. Kat kum ka rukom ka dustur u khun Hyniiiewtrep haduh kine ki sngi, Ta ka met Tap jong ka Ramew 51. H. Elias, KiKhanaiang UBarim, 4* Edition, Shillong, Don Bosco Press, 1994, pp

6 dei ban pynkhuid. Kumta baroh saw ngut ki khun nyngkong jong ka, ki la pyrshang ban pynkhuid i'a ka met Yap ka kmie jong ki, hynrei kim lah satia. Khatduh eh, ka Ding kaba long ka khun khatduh, ka la pynkhuid ia ka met lap ka kmie da kaba ka la thang ingkhong khait ha ban da kylla dpei. Ki hymmen jong ka haba ki la i'ohi ia ka jingjop ka para jong ki, ki la bishni ia ka bad ki la pyrshang ban pyni'ap noh shi syndon la ka. Ka Ding ka la lait phet bad ka leit rieh hapdeng ki diengbah bad ka la ngam la lade shapoh ki mawbah mawsan. Haba ka Ding ka la ngam shapoh ki mawlong mawteh, kita ki maw ki la kylla khluid. Ka Um kam ai lad satia, ka la ngam lang shapoh ki mawbah bad mawlong mawteh ban lap i'a ka para jong ka. Ynda haba ka Ding bad ka Um ki la i'akynduh lang, ia u Jumai bad u Kreiding la pynlong. Ka Ding ka la shem shitom shi katdei eh ban kyntiap jaka nawei shawei ban phet iap na ka jingthmu basniew jong ki hymmen jong ka, ka la kylla puipui la lade bad ka poi sha ki lyoh. Ka Um ruh kumjuh ban wad kput i'a ka Ding, ka la kylla jynhaw um bad kiew lang shajrong. Ka Sngi ruh kam ai lad satia; ka la sam lyngba ki lyoh ban lap ia ka Ding. Ynda haba ka Sngi ka la sam sha ki puipui lyoh, la pynlong ia ka Leilieh bad u Pyrthat. Kane ka jia ynda haba ka Sngi, u Bnai, ka Lyer ka Um bad ka Ding ki iatyngkhuh lang, kaba mih nangta la ong ba la pynlong i'a ka Khyndew ha kaba la wanrah i'a ki jingim bathymmai; ha kaba ka Ramew ka la im biang ha ka jingitynnat bad jingiphuh iphieng jong ka, ia kaba la tip kum ka Meiramew.^ Kumta ki khanatang halor ka jingpynlong (creation myths) ym tang ba ki batai ne i'athuh i'a ka jingsdang jong ka longbriew ha ka pyrthei ne ka 52. D.G. Nongkhlaw, "U Sohpetbneng: An Ethnogenic and Aetiological Account on the Cosmogony of the Cosmos and Mankind" In Folklore In The Changing Times, Edited by Jawaharlal Handoo et.al. Shillong, NEHU Publications, 2003, pp. 127-J28. 33

7 jingsdang jong kano kano ka jaitbynriew hynrei ki batai ruh la ka jingpynlong jong kiwei de ki bynta bapher ha ka mariang hi baroh kawei. Ha kaba ladei bad kane ka bynta ruh u I. Kharkongngor u lathuh: "hadien ba u Blei u la dep pynlong ia ka pyrthei, ka Mei-ramew ka la kyrpad *ia u Blei ban thung ia u nongsynshar halor kiei kiei baroh ha ka pyrthei... u Blei u la kohnguh ia ka Mei-ramew bad kumta u la khot ia ka dorbar jong ki khathynriew iing ne trep kiba shong bad u. Ka dorbar ka la iaphylliew jingmut halor ka jingkyrpad ka Mei-ramew bad khadduh ka la rai ba hynniew Ting ne trep kin hiar sha pyrthei lyngba kata ka jingkieng kaba don ha u lum Sohpet bneng bad khyndai i'ing ne trep pat, kin sah ha bneng ryngkat bad u Blei... ki hynniew trep ki sahkut noh ha khyndew hadien ba la dkut noh kata ka jingkieng Sohpet bneng kaba pyniasoh ia ka bneng bad ka khyndew na ka daw ka jingleh pop jong u khun bynriew". Kitei ki khanatang halor ka jingpynlong (creation myths) ba la ai da u H.Elias bad u Dondor Giri Nongkhlaw ki batai ia ka jingsdang jong kiei kiei baroh ha ka mariang jong ka pyrthei. Kum ba la iathuh da u H. Elias bad kiba bun kiwei de ki nongthoh, u I. Kharkongor ruh u iathuh ia ka jingsdang jong ka jingwan longbriew u khun bynriew ban shong shnong ha kane ka pyrthei hadien ba ka Ramew ka la don ki lum ki wah, ki jingthung jingtep bad kiwei de ki jingpynlong ha ka. Ki Khanatang halor ka Jingpynlong ha ka Poitri Khasi ( ): Ha kane ka bynta la pyrshang ban wad, ban tih bniah bad ban it sani bha ia ki snap jong ki khanatang halor ka jingpynlong kumba ki paw ha ki poim jong ki myllung bapher kiba hab hapoh ka juk shuwa ka jinglaitluid jong ka 53. I. Kharkongngor, Ka Lawei UKhasi, First Edition, Shillong, Shandora Press, ] 998, p

8 ri. Kumba la batai sha khmat la ka jingmut jong ki khanatang halor ka jingpynlong, ha kane ka lynnong yn peit pat kumno kine ki jait khana ki loh ban suhthied ha ka jabieng bad jingmut jingpyrkhat jong ki myllung Khasi ha kaba ki thoh 'la ki poim jong ki. U myllung R.S. Berry ha ka poim jong u "Ka Khanatang" kaba u la pynmih ha ka kot khubor UKhasi Mynta ha u Nailar jong u snem 1903 u la batai la ka ri Khasi kum ka ri shong pdeng pyrthei ha kaba ki khanatang ka jaitbynriew ki ong mh ba ka dei ka ri la kaba u Blei u la thaw kyrpang Ta ka bad kumno kita ki khana ki pynpaw shynna Ta ka jinglong kyrpang jong ka, kaba ka don Ta ka tynrai kaba skhem ha ka. Ha kane ka poim u myllung u wanrah Ta ka khanatang halor ka jingpynlong, kata kumno la sdang nyngkong ban wan buhai shnong ha kane ka ri lyngba u Sohpetbneng uba long ka pdeng pyrthei kat kum ka sain pyrkhat jong u Khasi. Lyngba jong u ki Hynniew Trep Hynfiiew Skum ki Tahiar Takiew na pyrthei sha bneng bad sha la u Nongthaw ha kaba u myllung u rwai kumne: Ka ri Khasi pleng ka dei, Ka ri ba shong pdeng pyrthei. (KaKhanatang, Dk. 1 Lain 1-2) U Tralsing Mawthoh-Pyngroop ha ka jingbatai jong u Ta kane ka phang u ong ba ka pdeng jong ka pyrthei ka dei kata ka jaka kaba u Blei u la pynmih Ta u Dieng Sohpetbneng ha kaba u khun Hynniew Trep u la wan hiar na bneng sha ka pyrthei. Shuh shuh une u nongthoh u bynrap da kaba u ong: "Ki Khasi ki ngeit ruh ka jaka na kaba la mih une u Dieng-sohpet Bneng, ka 54. R.S. Berry, "Ka Khanatang' in NaKa Thiar Ki Longshuwa, by Khasi Authors' Society, 6* Edition, Shillong, Ri Khasi Press, 1993, p

9 long ka pdeng Pyrthei."^^ Kum juh ruh u W.S. Syiem (Syiem Raij Mawbuh) ha ka lamphang jong u la ka kot Ki Dak Ki Shin U Sohpetbneng u kynthoh kumne: "ngi wan iuh kjat halor kane ka Mei ramew lyngba ka Jingkieng- Ksiar Jingkieng-Rupa halor u Lum Sohpetbneng shong pdeng pyrthei ban kamai la ka Hok."^^ Haba phai sha u Sohpetbneng u myllung R.S. Berry u kren la ka jingi'adei hapdeng ka bneng bad ka pyrthei la kaba la pymasoh lang ia ki. Dei lyngba u Sohpetbneng ba la wanrah la ka jinglong kawei hapdeng ka bneng bad ka pyrthei. Haba kren shaphang ka jingpyniasoh lang ia ka bneng bad ka pyrthei da u Sohpetbneng, u Tralsing Mawthoh-Pyngroop u i'athuh ba: "Ka jingiasohlang kawei jong ka Bneng bad ka Pyrthei kam mut ba ka Bneng ka la wan ban i'ashong syndait lang, ne la pynlong lang kawei ka met bad ka Pyrthei. Ia ka jingialong kawei hangne la pynlong da ka jingpyniasoh lang jong u Dieng-sohpet Bneng uba bat la ka Pyrthei da kawei ka tduh da ki thied na tynrai, bad uba bat i'a ka Bneng da kawei pat ka tduh na sha kliar ba la pynsuhthied bad pyni'asoh lang bad ka Bneng sbak. Hangne ngi lohi ba ka Pyrthei ka jngai na ka Bneng kum ki met ba kyrpang na ba kawei ka don ha kawei ka tduh jong u Dieng bad kawei pat ka don ha kawei pat ka tduh ba la pyrshah. Hynrei baroh ar ki don u juh u dieng uba bat bad uba pyni'asoh lang en i'a ki." Une u nongthoh ban pyni ia ka jingiasoh lang kawei hapdeng ka bneng bad ka pyrthei u wanrah da u dieng la kaba u khot u Dieng-sohpet Bneng. Hynrei kiba bun ki nongthoh halor kane ka khanatang ki ong belt da u Sohpetbneng. Kane kam da don eh ka jingi'apher namar ka jingmut bad 55. Tralsing Mawthoh-Pyngroop, Ki Mawlynti: Ka Jingngeit UKhun Khasi, Shillong, Khasi JaintiaPress,1980, p W.S. Syiem, "Ka Phang: Ka Kot halor 'Ki Dak ki Shin u Sohpetbneng", in Ki Dak Ki Shin U Sohpetbneng by Mattsing Nongrum, Shillong, 2001, p. iv. 57. Tralsing Mawthoh-Pyngroop, Ki Mawlynti: Ka Jingngeit U Khun Khasi, p

10 jingthmu ka thew i'a ka juh ka phang. Haba ong Sohpetbneng kata ka mut u sohpet jong ka bneng. Dei une u sohpet uba la teh pynskhem Ta ka jinglong kawei jong ka bneng bad ka pyrthei, kumba long ka kmie bad i khun. I khun mynba i dang don hapoh ka kpoh jong ka kmie, i im i san bad la bsa i'a i lyngba u sohpet bad ha kane ka por i dang long kawei ryngkat bad la ka kmie lyngba u sohpet. U sohpet namarkata, u long u 'saijingim uba teh lang kawei la ka kmie bad i khun jong ka. U Tralsing Mawthoh-Pyngroop ha kaba ladei bad kane ka bynta ruh u kynthoh ba lyngba une u Dieng-sohpet Bneng ngi lah ban Tohi la ka Pyrthei hapoh jong ka Bneng ba ka long tang kum i khunlung iba per hapoh ka kpoh baiar jong ka kmie ba la pyniasoh i'a i bad ka da u sohpet. Une u sohpet u wanrah na kata ka kmie sha ita i khun la ka um ka jingim. Ha ka kpoh ka kmie, i khunlung i im belt kumba i long da ka jingbsa jong ka kmie kaba theh ha i i'a ka um jong ka jingim lyngba u sohpet ba la pyniasoh la i bad ka.^^ U B.L.Swer ruh halor kane ka bynta u ong ba u sohpet u dei hi u 'ksai jong u sohpet' ba lyngba une u ksai uba kylla long u 'kyrwoh ka jingim' hapdeng ka kmie bad i khunlung iba ka pun i'a kaba ka pynheh pynsan hapoh ka kpoh jong ka. Dei ha kata ka por ba ita i khunlung i im, i khih i ksaid, i heh i sah bad im ha ka jingim kaba shisur ba shida ba hok bad kumba shu ong noh, ka jingim kaba kynja bneng hi. Kumba long ka kmie bad la i khun hapoh ka kpoh jong ka, kumta ruh u Sohpetbneng u long uta u sohpet uba teh skhem ia ka pyrthei ban pynlong kawei bad ka Bneng. U myllung R.S. Berry u kren shai halor kane ka bynta ha ka poim jong u da kaba u ong: 58. Ibid, p B.L. Swer, Ka Mafiong KiKhanaiang, p

11 Ba ka don u Sohpet bneng, Uba teh khyndew bad bneng;^^ (Ka Khanatang, Dk. 2 - Lain 1-2) U Sohpetbneng ha u myllung R.S. Berry ym tang ba u pyniasoh ne teh i'a ka bneng bad ka pyrthei hynrei u long ruh kum u jingkieng uba la pyndonkam ban lahiar i'akiew na pyrthei sha bneng. U myllung u phai sha ki khanatang halor ka jingpynlong ha ka jaitbynriew Khasi kumno ba ha kaba myrmyngkong, hadien ba u Blei u la thaw ia ka Pyrthei, ka Ramew ka la kyrpad la U ba un thung i'a u nongsynshar ba un peit un khmih la baroh ki jingpynlong kiba don ha ka pyrthei mariang, khnang ba kiei kiei baroh kin laid belt i'aid ryntih. Kat kum ki khanatang u Blei u la shah shkor la ka jingud jingnam ka Ramew bad u la lum la ka dorbar jong ki Khathynriew Trap Khathynriew Skum kiba la don lypa bad U ha bneng ban lapyrkhat kumno yn leh halor kata ka jingkyrpad jong ka Ramew. Ia kane ka dorbar kat kum ki khanatang, la tip kum ka Dorbar Blei Banyngkong i'a kaba u Blei u la pynlong ha bneng. Ha kane ka Dorbar la rai ba ki Hynniew Trep Hynniew Skum kin hiar sha pyrthei ban long ki nongsynshar halor baroh ha ka pyrthei. Ka kular ba la lateh ha ka dorbar ka long ba u Hynniew Trep Hynniew Skum um dei ban sah miet ha pyrthei. U dei ban wan phai biang sha bneng ynda janmiet lyngba ka Jingkieng Ksiar Ta kaba u Blei u la buh khnang ba ki lah ban hiar mynstep bad ban kiew pat ynda la janmiet, kata hadien ba ki la pyndep "la ki kam ki jingtrei jong ki ha sla pyrthei: 60. R.S. Berry, "Ka Khanatang' in Na Ka Thiar Ki Longshuwa, p

12 Ujingkieng iahiar iakiew, B 'la dor bar UBlei u briew. ^ (Ka Khanatang, Dk. 2 - Lain 3-4) Uta u Sohpetbneng uba pyniasoh Ta ka bneng bad ka pyrthei, u long ruh uta u jingkieng la kaba u Hynfiiew Trep u pyndonkam ha kaba hiar bad kiew hapdeng ka pyrthei bad ka bneng. U Tralsing Mawthoh-Pyngroop u ong ba u Blei u la dep buh lypa ia u Dieng-sohpet Bneng bad dei na une hi u dieng ba u Hynfiiew Trep u la wan hiar sha kane ka Pyrthei.^^ U myllung R.S. Berry u kren ruh shaphang kata ka dorbar hapdeng u Blei bad u briew, ha ka ban shim i'a ka rai ba u khun bynriew Hynniew Trep un wan hiar sha kane ka pyrthei lyngba uta u Sohpebneng. U B.L. Swer ruh u kynthoh halor kane ka bynta kumne: "u sohpetbneng u long kata ka 'jingkieng ksiar' kaba lyngba jong ka la wan hiar uta u Hynniewtrep Hynniewskum, kata kumba la ai bor da ka Dorbar Blei kaba nyngkong duh ban wan long kynrad halor ka Ramew lyngba ka jingkyrpad jong ka."^'^ Kiwei ki nongthoh ruh ki kdew shai ba kumno kata ka Dorbar Blei lyngba ka Hukum ka la rai ban phah i'a u Hyrmiew Trep Hynniew Skum sha kane ka pyrthei, ban long u nongshynshar i'a ka pyrthei mariang baroh kawei. Ka Badaplin War ha kaba ladei bad kane ka bynta ka ong kumne: "Ynda haba ki jait jingthaw baroh ha ka pyrthei ki la sdang ban kha roi, ka la don ka jingkulmar, ka jingbym ia sngewthuh jingmut bad ka jingbym ia shong suk hapdeng jong ki. Kumta ka Ramew ka la kyrpad sngewrit na u Blei u Trai Nongthaw ba un phah ia u nongsynshar uba tbit bad u bastad ban synshar halor ki jingthaw ha ka pyrthei. Na kata ka daw, la pynlong ia ka Dorbar 61. R.S. Berry, "Ka Khanatang' in Na Ka Thiar Ki Longshuwa, p Tralsing Mawthoh-Pyngroop, KiMawlynti: Ka Jingngeit UKhun Khasi, p B.L. Swer, Ka Mationg Ki Khanatang, p

13 Blei Banyngkong. Nangne, la rai ban phah i'a u Hynniew Trep ba un hiar sha ka pyrthei ban synshar i'a ka".^"* U D.T. Laloo ruh kynthoh ba kumno u Hynniew Trep u wan ban shong ha kane ka pyrthei bad ban synshar i'a ka, da kaba u ong kumne: "Ka Hukum ka shong ha Bneng bad la ki khun ba kynsai tarn jong ka ki Khathynriew-trep Khathynriew-skum. Halor ka jingud jingnam ka Ramew, la pynlong Ta ka dorbar dorsha ba nyngkong eh na kaba u paid Hynniew-trep u loh i'a ka nongrim ka synshar paitbah bad ka Hukum ka pynskhem la ka rai uba bun ba lang jong kata ka dorbar bneng ba u Hynniew-trep Hynniew-skum un wan shong wan sah noh sha pyrthei, un synshar i'a ka, hynrei un laleit lawan hi kumba ju long bad u Khyndai-trep Khyndai-skum na ka jingkieng ksiar kaba don ha u Sohpetbneng."^^ Shuh shuh u Maurice G. Lyngdoh ruh u batai shai ba dei ka Mei Ramew kaba la kyrpad i'a U Blei Nongthaw ban phah la u nongsynshar ban peit bad ban synshar i'a ka. Ha kaba ladei bad kane ka phang une u nongthoh ruh u ong kumne: "Ynda u Blei u i'ohsngew la ka jingud ka jingkyrpad ka Mei Ramew, u lum ka dorbar ki khadhynriew trep ha bneng ban i'a pyrkhat shaphang kane. Bad kata ka dorbar ka la rai ba hynniew trep na ki kin leit hiar sha pyrthei bad kin shong kin sah hangta."^^ Dei halor kane ka bynta ba u myllung Soso Tham ha ka poim "Ka Aiom Ksiar" u kren shaphang kane ka jingjia kaba mih na ka jingrai na ka Dorbar Blei Banyngkong ha kaba u ong kumne: 64. Badaplin War, "Writers' Perception of 'U Thlen' in Khasi Literature" in Tribal Literature of North-East India, Edited by Badaplin War, Shillong, SMS Hi-Tech Impression, G.S.Road, 2009, p D.T. Laloo, Ka Rongbiria UHynniew-Trep, Shillong, Don Bosco Press, 1978, p Maurice G. Lyngdoh, Ki Parom Barim UKhun Khasi Khara, Shillong, Lyngdoh Printers, Mawkhar Main Road, 2007, p.2 40

14 Na Khadhynriew ba don hajrong, Hynniew ki hiar hangne ban shong, (KaAtomKsiar, Dk. II-Lain: 1-2) U Hynniew Trep kat kum ka hukum ba la i'apan ha ka Dorbar Blei Ba Nyngkong, u la wan ban hiar sha kane ka pyrthei lyngba kata ka jingkieng ksiar la kaba u Blei u la buh halor jong u lum Sohpetbneng ban pyni'asoh Ta ka bneng bad ka pyrthei; ha kaba u Hynniew Trep un hiar mynstep bad un kiew sha bneng ynda la janmiet lyngba na kane ka juh ka lynti. U I. Kharkongor halor ka jingwan hiar u Hynniew Trep sha kane ka pyrthei u ong kumne: "Ka dorbar ka la iaphylliew jingmut halor ka jingkyrpad ka mei-ramew bad khadduh ka la rai ba hynniew ling ne trep kin hiar sha pyrthei lyngba kata ka jingkieng kaba don ha u lum Sohpet bneng bad khyndai 'ring ne trep pat kin sah ha bneng ryngkat bad u Blei."^^ Kumjuh ruh u H.O. Mawrie ha kaba kren la kane ka bynta u batai shai kumne: "Ha ka por ba ka hok ka dang synshar la u khun bynriew la don uwei u dieng bad lyngba une u dieng kita ki Khadhynriew Trep ki Khadhynriew Skum ki i'ahiar iakiew na bneng sha khyndew bad na khyndew sha bneng. Une u dieng u leng halor U Lum Sohpetbneng uba long ka pdeng jong ka Pyrthei u Khasi bad une u dieng u long ka jingkieng ksiar kaba bteng Ta u briew bad u Blei"^^ Kat kum ka kular ba la i'ateh ha ka dorbar ka long ba u Hyrmiew Trep Hynniew Skum um dei ban sah miet ha pyrthei. Ha ka poim "Pyrthei Mariang" u myllung Soso Tham ruh u batai kumno u Hynniew Trep ynda u 67. Soso Tham, Ki Sngi Barim UHynniew Trep, 3"* Edition, Shii]ong,Ri Khasi Press, 1976, p I. Kharkongor, Ka Lawei UKhasi, p H. Onderson Mawrie, Ka Pyrkhat VKhasi, Guwahati, Silpi Printers, 1997, p

15 la pyndep la ki kam ki duk jong u baroh hangne ha sla pyrthei, janmiet u kiew biang sha bneng lyngba ka jingkieng ksiar ban shong jahthait bad ban pynaram la lade ryngkat bad ki Khyndai Trep ha bneng ha kaba u myllung u rwai shuh shuh kumne: Te kum ka Wah halor Mawsiang, Lynti ka suk ki iaid biang biang: Artet arsut ka Jingkieng Ksiar, (Pyrthei Mariang, Dk. VIII Lain: 1-S) U myllung Soso Tham u kren shaphang 'ka jingkieng ksiar' la kaba u Hynniew Trep u hiar u kiew hapdeng ka bneng bad ka khyndew da kaba la kdew ruh kumno u la teh syrdoh bha la ka jingiadei hapdeng jong u briew bad u Blei. Ka jingkieng ksiar kaba u myllung u kren, ka pynphalang shynna i'a kata ka jingiadei kaba jan jong u briew bad u Blei. U myllung R.S. Berry pat um shym kdew la kata ka 'jingkieng ksiar' hynrei u ong ba uta u Sohpetbneng u long hi ruh u jingkieng uba la pyndonkam ban i'ahiar i'akiew hapdeng ka bneng bad ka pyrthei da u Hynniew Trep Hyrmiew Skum mynba u wan sha kane ka pyrthei. Une u myllung u mut la kata ka jingialong kawei bad ka jingiajan hapdeng u briew bad u Blei ha kaba u wanrah la uta u jingkieng ban pyniasoh la ka bneng bad ka pyrthei. Katba u H.O. Mawrie pat u shim ia ka jingkieng ksiar kum kata ka jingiadei bajan eh jong u briew shimet bad la u Nongthaw da kaba u ong ba: "la ka dor jong ka jingiadei hapdeng u briew bad u Blei ym don jabieng kaba lah ban thew lane thylliej ba lah ban batai bad dei hangta ba ka wan 'Ka Jingkieng Ksiar'". Une u nongthoh u bteng shuh shuh da kaba u ong, "ka jingiadei shi met bad la u 70. Soso Tham, Ki Sngl Barim UHynniew Trep, p H.O. Mawrie, Ka Theology Jong Ka Niam Khasi, Third Edition, Guwahati, Silpi Printers, 2002, p.32 42

16 Nongthaw, uwei pa uwei u don la ka Jingkieng Ksiar bad ka long ka jingkit khlieh jong u ban ri kyndong i'alade ha ka jingi'adei bad la u Nongthaw ba kan leng skhem ka Jingkieng Ksiar."''^ Ynda haba ka Dorbar Blei ba nyngkong ka la rai ban phah i'a u Hynniew Trep Hynniew Skum sha kane ka pyrthei, u Blei u la pynskhem la kata ka rai da kaba u la pynlong la ka jutang bad u briew. Kane ka dei kata ka jutang Blei kaba la lateh hapdeng u Blei bad u Hynniew Trep shynrang bad kynthei ha shuwa ba un wan sha kane ka pyrthei. Ka jutang ka long ba u Hynniew Trep Hynniew Skum u dei ban bat pyrkhing i'a ki ain Blei kumba u ju leh ha bneng. Ynda haba un wan sha kane ka pyrthei ruh, u dei ban ri kyndong i'a ki khnang ba un ibh kyrhai ki jingkyrkhu ha ka jingim jong u na la u Nongthaw. Nalor kata u dei ban im hok laid hok khnang ba u lah ban wan phai biang sha u Blei. Lada u khun bynriew un i'ai bat la kata ka hukum, u Sohpetbneng uba long u jingkieng ban hiar ha pyrthei bad ban kiew sha bneng un nang skhem bad u Hynniew Trep ha tbian bad u Khyndai Trep ha jrong un i'a kiew la hiar katba ki mon. U G. Costa u kren shai i'a kata ka jingiateh jutang hapdeng u briew bad u Blei shuwa ba u Hynniew Trep un wan sha kane ka pyrthei da kaba ong: "U Blei u thaw ka jingiateh jutang kaba skhem ba kan long ka jingiasoh kawei na jrong ha tbian; bad u la pynsngewthuh Ta u khun bynriew ba lada un Taineh ha ka kam leh hok leh bha, ka jingiasoh ba long na tbian ha jrong kan long kaba neh ba skhem junom; hynrei lada un leh i'a ka pop ka sang te ka jingiasoh na tbian ha jrong kan duh kan dam noh."^^ Kumjuh u H. Elias haba u kren shaphang kata ka jutang kaba u Blei u la lateh bad u Hynniew Trep u ong kumne: "U Blei ruh, 72. H.O. Mawrie, Ka Theology Jong Ka Niam Khasi, p G. Costa, Ka Riti Jong Ka Ri Laiphew Syiem-I, Shillong, Printed at the Don Bosco Industrial School & Orphanage, 1936, p

17 u la kyrkhu kyrdoh ia ka pyrthei-mariang baroh kawei bad u la i'ateh-jutang bad u khun bynriew. Kata ka jutang ka la long ba lada u bynriew un laid hok, im hok, un sumar kyndong la ka aifi Blei, u Trai Kynrad na-neng natbian un kyrkhu-kyrdoh la u, bad u bynriew ruh un suk-un-sain; bad un laleit-iawan sha bneng katba u mon."^'^ U myllung R.S. Berry ha ka poim jong u ruh u kdew sha kata ka jutang Blei kaba la i'a teh ha bneng ha kata ka Dorbar Blei ryngkat bad u khun bynriew shynrang bad kynthei shuwa ba kin wan hiar sha kane ka pyrthei da kaba u ong: Ba ka don ka jutang Blei, Ha dohnud shynrang kynthei, Ha tbian hynniew skum ne trep, Hajrong khyndai skum ne trep. (Ka Khanatang, DK. 4 Lain: 1-4) U Blei u la thaw i'a u briew ha ka jinglong khuid bad u la ai ha u ia ki hok ki riti kiba u dei ban bud ha ka jingim jong u. Kum u briew u dei ban sumar kyndong ia ki ha ka jingim ba man ka sngi khnang ba un poi suk poi biang sha la u Nongthaw. Ka jutang ka wanrah ia ka jingialong kawei bad ka jingiaieit markylliang hapdeng kiba la teh ia kata ka jutang. U Tralsing Mawthoh-Pyngroop u ong ba: "Ha ka Jutang, u Blei u da ai ha u briew ia ka jingtip bad ka jingsngewthuh ia ki hok ki riti baroh kiba u briew u dei ban sumar, bad ia ki jingmyntoi ba u dei ban ioh ha ka jingiasoh lang jong u kawei bad u Blei da kaba sumar bad iaid ha ki hok ki riti. Ha kane u Blei u da iiiew ia u briew kum u paralok ha ka jingiatrei lang ban iaioh bynta lang na ki soh ba bha jong ka. Kane ka long ka Mynsiem jong ka jutang kaba 74. H. Elias, Ki Khanatang V Barim, p R.S. Berry, "Ka Khanatang' in Na Ka Thiar Ki Longshuwa, p

18 wad i'a ka Jingiatrei lang bad la ka jingialong kawei."^^ Kumjuh ruh haba u Blei u ai ha u briew i'a ka jutang, u kwah ba kata ka jingialong kawei bad ka jingiaieit kan neh kan skhem bad lada u briew u lah ban bat skhem la kata ka jutang, u Blei ruh u sngewbha bad un nang pynskhem i'a kata ka jingialong kawei bad u briew. Dei da ka jingiaid hok bad jingim hok ha kane ka pyrthei ba u briew u lah ban bat skhem la kata ka jutang kaba u Blei u la ai ha u. Kumta u Blei u kwah i'a u briew ba un long uba khuid bad uba hok ha ka jingim jong u, kumba u long mynba u dang don ryngkat bad U. Dei kane ka jinglong hok ka ban lalam biang ia u briew ha khmat u Blei. Ka Jingpynlong ha ka Suk ka Sain, ka Bha ka Miat: Ha ka por ba u wan hiar sha pyrthei, la pynkhamti la u Hynniew Trep ryngkat bad ka ktien khnang ba un lah ban synshar bad ban pyniaid belt pyniaid ryntih ia kiei kiei baroh ha sla pyrthei. Un bat Ta kajingiateh jutang da ka ktien hok ha khmat ka dorbar, ba un kamai hok, i'aid hok, synshar hok ha kane ka pyrthei. Dei na kata ka daw haba u Hynniew Trep u la wan hiar sha kane ka pyrthei, ma-u bad baroh ki jingthaw ha ka pyrthei ki iakren i'akhana iwei- Ta-iwei pat da ka juh ka ktien. Kane ka pynshisha ba la ka ktien la pynkhamti da u Blei Nongbuh Nongthaw ha ki jingthaw jong u ha sla pyrthei, khnang ba u Hynniew Trep un ia sngewthuh bad kiwei de ki para jingthaw bad ban synshar ruh halor jong ki. U myllung Soso Tham ha ka poim "Ka Aiom Ksiar" u batai shai ba kumno kata ka hok u Blei kan tyngshain ha u Hynniew Trep, khnang ba u lah ban synshar hok bad ban sain-pyrthei da ka ktien hok ia ki jingthaw baroh: 76. Tralsing Mawthoh-Pyngroop, Ki Mawlynti: Ka Jingngeit UKhun Khasi, pp

19 Ban paw ka Hok, na khmat u Blei, Hapoh ka Tdem ka Sain-pyrthei; Ban phaid ka khmat u Shriek u Tngaw Ba kan kren briew ka Dieng ka Maw. (KaAiom Ksiar, Dk. IILain : 3-6) Kumba la kdew lyngkot sha khmat shuwa ba u Hynniew Trep Hyniiiew Skum un wan ban shong ban sah ha kane ka sla pyrthei, u Blei u la dep pynlong lypa i'a ki dieng ki siej, ki lum ki wah, ki mrad ki mreng bad baroh ki jait jingthaw ha sla jong ka mei-ramew. Kumba la mang lypa da ka Hukum "Ka Ramew ka la pun la kyan, ka la sei la shylluit, la long ki diengki-siej, ki phlang-ki-kynpat, la mih kiba par bad ba her kumjuh - Ka Ramew ka la phuh la phieng, la itynnat la ilup da ki jingkup-jingdeng kumba la mang lypa ka Hukum." Shuh shuh ha ka poim "Ki Symboh Ksiar" u myllung Soso Tham u Tathuh ba da kawei ka ktien, ki jingthaw ha khrum ka bneng ki lasngewthuh iweiia-iwei pat bad ba ka hok Blei ka dang tyngshaiii halor ka sla pyrthei hapdeng ki jingthaw jong u baroh. Ka leit ka wan bad ka shong ka sah ka dang laid belt laid ryntih namar u laiphew jingthaw baroh u pyndonkam tang kawei ka ktien ha kaba u myllung u ong kumne: U Briew, umrad, ukhla, u Thlen Kawei ka Ktien ki dang iakren (Ki Symboh Ksiar, Dk. II Lain: 3-4) Soso Tham, Ki Sngi Barim UHynniew Trep, p D.T. Laloo, Ka Rongbiria UHynniew-Trep, p Soso Tham, Ki Sngi Barim U Hyniiiew Trep, p.l 46

20 U myllung Soso Tham ha kitei ki lain u kren ruh i'a kata ka jingi'along kawei hapdeng ki jingthaw jong u Blei ha sla pyrthei, ha kaba la synshar la ki tang da ka suk ka sain suda kat sha ba phai. U P.G. Gatphoh ruh u kdew la kane haba u ong: "Mynkulong, mynba ki laiphew sim ki laiphew doh bad ki laiphew jingthaw baroh ki dang hok, ki dang kren briew, naduh ki jingthaw kiba don ha suin, ha ryngkew bad ha duriaw bad mynba baroh ki dang peit bad ki ap la ka bishar ka pynshong jong u khun bynriew, uba long u syiem bad u kynrad halor jong ki baroh"^ U J. Bacchiarello ruh u kren shaphang kata ka por ha kaba u khun bynriew bad ki laiphew jingthaw ki dang im ha ka suk ka sain bad ka jingialong kawei da kaba u ong: "Te haba ki hynniew skum hynniew trep ki la shong ha ka pyrthei ka la long tang ka hok suda, bad u Blei u la ai ha ki ka bor ba kin leh katba ki mon bad ban pyniaid i'a ka jingsynshar katba ki ibit: ba kin bam kin dih, kin shong kin sah da ka jingsuk, khlem jingshitom ei-ei, bad khlem jingiakajia ei-ei bad briew bad mrad, katba don ha ka pyrthei."^' Ynda haba u Hynniew Trep u la wan synshar hangne ha sla pyrthei, ki jingthaw jong ka pyrthei baroh ki la sdang ban roi parum pareh; namar mynta la don u nongsynshar u ban pyniaid belt pyniaid ryntih i'a kiei kiei baroh bad da kawei ka ktien ki kren ban i'asngewthuh lang iwei la iwei. Kane ka kdew ruh la ka jingroi bad jingiar jong ka ktien ha kaba baroh ki laiphew jingthaw ki dang iakren da kawei ka ktien. Ha kaba 'ladei bad kane ka bynta, u myllung Soso Tham ha ka poim jong u, "Ka Persyntiew" u rwai kumne: 80. P.G. Gatphoh, Ki Khanatang Bad USierlapalang, Ninth Edition, Guwahati, Dispur Printing House, 1994, p J. Bacchiarello, Ki Dienjat Jong Ki Longshuwa, Sixth Edition, Shillong, Don Bosco Press, 1993, p

21 Suki ki long u Paid byllien; Suki ka ih kawei ka Ktien; (Ka Persyntiew, Dk. VI Lain: 1-2) Da kane ka ktien, baroh ki jingthaw ha ka pyrthei kynthup la u khun bynriew ki la sdang ban lasngewthuh lang iwei-ia-iwei pat da kaba u myllung u rwai shuh kumne: Pyrthei Mariang baroh ka pher; Ki Mrad ki kmen, ki Sim ki her; Ha Ryngi ne hapoh syrngiew, Ki Syntiew ruh ki nang kren briew; (Ka Persyntiew, Dk. VII Lain: 1-4) Shuh shuh ha ka poim "Ka Aiom Ksiar" u myllung u ong kumne: Shi khrum ka bneng-upaid byllien, Shi snieh Pyrthei-kawei ka Ktien: (Ka Aiom Ksiar, Dk. VLaih: 1-2) Ha kaba iadei bad kane ka bynta ba kumno u Hymiiew Trep u i'oh i'a ka ktien haba u wan ban synshar sha kane ka pyrthei, u D.T. Laloo u thoh kumne: "Ka Hukum ka la ai i'a ka 'Ktien' ban long u dieng-synshar i'a ka pyrthei. Da ka ktien u Hynniew-trep Hyniiiew-skum, Hynniew-Ryngkew Hynniew- Basa, u i'aid u ieng; u synshar, u lasngewthuh bad ki Khyndai hajrong; u lasngewthuh bad ka Hukum. Ka ktien bad u Hynniew-skum ki i'aid lang 82. Soso Tham, Ki SngiBarim VHynhiew Trep, p Ibid, p Soso Tham, Ki Sngi Barim UHynniew Trep, p

22 ryngkat, u Hynniew-skum bad ka pyrthei ki laid lang ryngkat, ka pyrthei bad ka ktien ki laiaid lang ryngkat, ka ktien bad ka Hukum ki i'aiaid lang ryngkat kumta baroh ki im-suk im-sain ha kata ka Sotti-juk."^^ U Blei urn shym la phah lymbiang i'a u Hynniew Trap sha kane ka pyrthei hynrei u la pynkhamti ha u la ka ktien ba un kren bad ban lasngewthuh bad kiwei ki para jingthaw ha ka pyrthei. U Dondor Giri Nongkhlaw ha ka kot jong u u i'athuh kumne: "Haba ka mei-ramew ka la iphuh iphieng da ka jingim, ka la kyrpad la u Blei ban ai nongsynshar ban tyngkan bad synshar ia ki jingim pateng la pateng. U Blei na ki khadhynriew haneng u la phah hynniew bynriew ban synshar i'a kane ka sla khyndew bad i'a kiei kiei kiba don ha ka. U da ai ruh ka ktien kren, ka niam bad ki hukum ban tip la la u para briew, ban tip ia u Blei bad ban im ha ka kamai hok"^^ U Jespil Syiem ha ka jingrwai myllung jong u ha kaba ladei bad kane ka bynta, ba kumno u Blei u pynkhamti ha u Hynniew Trep i'a ka ktien shuwa ba un hiar shane sha pyrthei, u ong kumne: O, shuh-shuh, ko Hynniew, phin ioh kawei ka lad! Atiar kyrpang ha phi Ngin shu ai ei, O, ba phin long kynrad! Ka Ktien ha phi ngin pynkhamti! Kane ka dei u Diengsynshar, D 'u ba phin pynkohnguh-pyndem, Phin long lahduh, phin ioh shakri! (Lain: ) D.T. Laloo, Ka Rongbiria UHynniew-Trep, pp Dondor Giri Nongkhlaw, Ka Meirisawkun, Ki Skid Jingim Bad Ki Deiritl, Shillong, Ri Lum Offset Printing House,Umsohsun, 2007, p Jespil Syiem, Ka Thymmei UHyniiiewtrep Ki Saw Dorbar-Blei, Shillong, Don Bosco Press, 2003, p

23 Kata ka del ka aiom jong ka sotti juk ha kaba u Hynniew Trep u im khlem jingkhuslai ha ka jingshamah ha la u Nongthaw. U hiar na bneng, u trei u ktah khlem pyrwa ei ei ruh bad u kiew pat sha bneng ynda la janmiet ban thiah jahthait. Ka Sngi ka long ka hok Blei kaba dang tyngshain bad kdup Ta u khun bynriew ha kata ka aiom jong ka Sotti Juk. U myllung Soso Tham u la ai ka jingbatai la ka jong hi (re-interpret) kiba iar la ka jingmut tynrai halor kane. Haba u kren Ta ka Sngi, u thew Ta kata ka hok Blei kaba tyngshaiii ha u Hynniew Trep ha kata ka sotti juk da kaba u ong kumne: Janmiet Mynstep ki kiew ki hiar: Ka Miet ka dei kapor thiah suk, Ka Sngi, ka kmie ka Sotti Juk. ^^ (Pyrthei Mariang, Dk. VIII Lain: 4-6) Kumba la Tapan bad khlei kular ha ka dorbar, u Hynniew Trep u trei minot thop Ta la ka kam ka duk khlem jingkhiiium jingkhohnioh. Hynrei da ka dur khmat ba phuh samrkhie u trei minot thop khlem peit shiliang khmat Tano Tano ruh. Da ka jingsuk bad palei ka mynsiem u pyndep Ta la ki kamram ba la bynshet ha u, khlem jingtieng jingsmiej namar la ker sawdong Ta u tang da ka suk ka saiil Blei suda. Ynda la dep ki kam baroh u leit phai pat sha bneng kumba u ju leh man la ka sngi. Dei kumta kein ba u myllung Soso Tham ha ka poim "Pyrthei Mariang" u rwai kumne: Lamler kim nang, kim tip ka Thok: Ha ki ka leng rangbah ka Hok: Mynba ka bneng ka dang khuid kdiar, Kumne ka iaid ka Aiom Ksiar: 88. Soso Tham, Ki Sngi Barim UHynniew Trep, p.9 50

24 Mynba baroh shi snieh Pyrthei, Sawdongjong ki u ker U Blei. (Pyrthei Mariang, Dk. XLaih: 1-6) U myllung P.G. Gatphoh ruh ha ka poim jong u, "U Sierlapalang" u kren shaphang kata ka Sotti Juk ia kaba u khun Hynniewtrep u im bad loh mad ha ka por mynba ka pap kam pat synshar i'a u. U im ha ka suk ka sain, u trei la ka rep ka riang, ka ri jingri bad baroh ka la sei soh bha da kaba u ong kumne: Pyrthei Aiom Ksiar ka rep bad ka riang, Uri la ka Syiar, Masi bad ka Sniang: U khein ia ka Shrah ki ngat ki Lawbah, Kipait ki Mawwah, ki sied ki Mawkhrah (USier Lapalang, Lain: ) Ka sotti juk ka dei kata ka juk ha kaba u briew u dang don ryngkat ha syndah bad la u Nongthaw, ha kaba ka suk ka sain ka dang synshar la ka jingim jong u bad la ka pyrthei mariang baroh kawei. Um tip ka pang ka shitom, ka peit kynriang ka i'aid kynriang hynrei u shaniah beit la la ka jingim ha u Blei. Dei ha kane ka juk ba u khun bynriew u loh ban mad la ka aiom ksiar ha kane ka pyrthei. U Tralsing Mawthoh-Pyngroop ha kaba batai ia ka aiom ksiar u ong: "ka Aiom Ksiar ka la jia long ha ka Pyrthei myn ha kata kein ka por mynba u Dieng-sohpet Bneng u dang pyniasoh lang kawei i'a ka Bneng bad ka Pyrthei. Kumta ba ka jingdap biang kyrhai bad ka jingsuk jingkmen ba janai kumba ka long ha Bneng ka la wan long ha kane 89. Ibid, p Primrose Gatphoh, "U Sier Lapalang" in Ki Khanatang Bad USierlapalang, p

25 ka Pyrthei ha kata ka por."^^ Ha ka aiom ksiar, u khun bynriew u dang lohmad i'a ka jingsuk suda bad da ka jingiaieit iwei-ia-iwei u leit u wan, u trei u ktah da ka jingpalei bad jinghun mynsiem kat sha ba phai. U Tralsing Mawthoh-Pyngroop u bynrap shuh shuh da kaba u ong: "Te kata ka jingieit ba janai kaba don bad kaba synshar hapoh jong ki ka pynlong i'a ka jingiashong suk shong sain. Ka pynlong i'a ka jingiajuh la jem bad i'a ka jingiaieit iawan hapdeng jong ki ha ka jingiasngewthuh jingmut lang kawei. Kane baroh ka la long na ba ka Hok ba nylla ka synshar ha ka Aiom Ksiar." Une u nongthoh u batai shuh shuh ba ka jinglongkhuid bad jinglong hok ka dang synshar i'a u khun bynriew da kaba u ong ba: "Ha ka Aiom Ksiar u khun bynriew u la im ha ka jinglong khuid, u la im ha ka jinglong hok kaba shitylli. U la im ha ka jinglong bajanai. Ha kane ka por, u khun bynriew u la i'aid keifi ha ki hok ki riti jong u Blei. U la sumar kyndong i'a kata ka Jutang ha kaba u la i'ateh bad u Blei. Bad kata ka la wanrah i'a ka jingialong kawei ha ka jingieit hapdeng u briew bad u Blei. Kumta kein ba ka jingsuk jingkmen, bad ka jingdap kyrhai ba kynja Bneng da ka jingkyrkhu jong u Blei ka la wan jia ha ka pyrthei myn ha kata ka la jong ka Aiom Ksiar." U H. Onderson Mawrie ruh haba kren i'a kata ka aiom ksiar kaba u Hynniew Trep u loh ban mad ha ka por jong ka sotti juk u ong kumne: "Ka Aiom Ksiar ka long ka por ha kaba u Blei u dang i'aid-kai sngewbha bad ki Khadhynriew bad u dang i'a kren ruh bad ki da ka sur haba ki don ha kane ka Pyrthei. Ka long ka por jong ka Sotti-Juk - ka Juk ba dang synshar ka Hok bad ka dang long ruh ka por ha kaba u briew u dang long kumba u dei ban long ha ka kyrdan bad ha ka burom kaba u Blei u la thmu i'a u ban long. U Blei ruh U dang sngewphuhmut sngewphuhmat bad la u 91. Tralsing Mawthoh-Pyngroop, Ki Mawlynti: Ka Jingngeit UKhun Khasi, p Ibid, p Tralsing Mawthoh-Pyngroop, Ki Mawlynti: Ka Jingngeit UKhun Khasi, p

26 jingthaw uba U la thaw kyrpang bad thaw donburom." * Kumjuh ruh u H.O. Mawrie u kynthoh kumne halor u Hynniew Trep ha kata ka juk haba u ong: "U wan sha kane ka pyrthei ym kum ha ka jingphohsniew hynrei kumba u long, ban wan trei wan ktah bad ban rep ban riang ban Toh la ka bam bad ban kamai da ka umsyep hok. U del ban trei shitom ban i'eng ka kamai bad u Blei ruh u wan jngoh i'a u bad u kren ruh la u da ka sur. Ka dang long ka por jong ka Sotti Juk- ki sngi jong ka jingsuk hapdeng u briew bad u Blei."^^ U myllung Soso Tham ha ka poim jong u "Ka Persyntiew" u batai ba ynda haba u Hynniew Trep u la hiar sha kane ka pyrthei lyngba ka jingkieng ksiar, u la sdang thymmai i'a la ka jingim la ha ka trei ka ktah ne ka rep ka riang kaba u Blei u la pynkhamti ha u. Kane ka la pynlong ia u ba un saindur i'a la ka jingim ba thymmai da kaba u peit thuh i'a ki sawdong sawkun kiba ker tawiar ia"u. Kumta ka kam ba kongsan jong u Hynniew Trep ka long ban rep ban riang, ban thung ban tep bad ban bet la u symbai u mai la kaba u Blei Nongbuh. Nongthaw u la ai ha u. U myllung u i'ohi mai'a ruh ba kane ka pyrthei ka long kaba "sah thylli" ha ka rep ka riang tad ynda la wan hiar u Hyrmiew Trep ban sdang thymmai 'la ka thung ka tep ha ki bri ki lyngkha sawdong satlak: Mynba ka Ri ka dang sotti, Baroh kawei ka sah thylli:- Mynba ki hiar ki HyniMew Trep, Mynba baroh ki sdang ban rep, (Ka Persyntiew, Dk. IVLain: 1-4) 94. H. Onderson Mawrie, UKhasi Bad La Ea Mam, Shillong, Ri Khasi Press, 1973, p H.O. Mawrie, Ka Theology Jong Ka Niam Khasi, p Soso Tham, Ki Sngi Barim U Hynniew Trep, p.5 53

27 U Homiwell Lyngdoh ruh u pynpaw i'a la ka mut ka pyrkhat halor kane, kata kumno u Blei u la hikai la u Hynniew Trep Hynniew Skum ban rep ban riang bad ban thung ban tep, khnang ban pynbiang ia la ki jingdonkam man la ka sngi. Une u nongthoh u batai shuh shuh da kaba u ong ba u Blei "u la pyni u la bthah kumno ba kin rep ba kin riang bad kumno ba kin thung ba kin tep ia u symbai u mai ha la ka aiom aiom khnang ba un long un man bha bad ba kin lah pynmih Ta la u jingbam na ka khyndew; bad u la pyni u la bthah la ki niam ki mkom bad la ki jingdah ki jingdong kiba ki dei ban rakhe bad ban pyndep pynbiang ha ka jingim jong ki, khnang ba kin dup ioh wan poi pat sha la i'ing u Trai Kynrad.' U H.O Mawrie u bteng ruh ban batai kumno ka jingsuk ka synshar i'a u Hynniew Trep ha ka juk jong u Sohpetbneng, da kaba u ong kumne: "Ki long ki sngi ha kiba u Hynniew Trep u dang don ha ka lyngwiar u Sohpetbneng; ha ki sngi ba u dang long shi sur ha ka jingmut jingpyrkhat, shi sur ha ka jinglong jingim bad shi sur ha ka jingiadei bad la u nongthaw. Ki dang dei ki sngi ha kiba u dang mane ia la u Nongthaw halor U Lum Sohpetbneng; hangta ha trai u dieng u dang tei la ka duwan jong ka jingmane bad jingainguh ia la u Nongthaw. Ki dang long ki sngi ha kiba haba u briew u kren, u Blei ruh u shah shkor; haba u briew u pan, U Blei ruh u jubab bad haba u ud, u Blei ruh u sngap bad u don ruh hajan eh jong u briew. Ha kiei kiei baroh ka don ka hun ryngkat u briew bad ka hun ryngkat u Blei."^^ 97. Homiwell Lyngdoh, KaNiam Khasi, Shillong, Shillong Printing Works, 1970, p H.O. Mawrie, Ka Theology Jong Ka Niam Khasi, p

28 U myllung Soso Tham u rwai lyngba ki lain poitri jong u kumno u Hynniew Trep u kup u phong la ka jinglong ba shisur bad shida ha ka jingim jong u, namar u aiti bad shaniah tylli i'a la ka jingim ha la u jong u Nongthaw: Kumta u briew u im shida, Kumba ha pneh ka kmie u kpa. (Pyrthei Mariang, Dk. IV- Lain: 5-6) Sa uwei de u myllung, u P.G. Gatphoh, u rwai kyrpang shaphang ka jingsdang jong ka jaitbynriew Khasi ha kane ka pyrthei. U ruh u phai sha ki khanatang kiba iiathuh kumno u Hynniew Trep Hynniew Skum u wan sha kane ka pyrthei na bneng lyngba ka Jingkieng Ksiar kaba don halor u Lum Sohpetbneng. U myllung u ong ba ka 'Meirilung-ka-Meirisan;' ka long ka ri jong ki kpa tymmen, ki kpa kulong kumah ha kaba ki la buh bad pynskhem i'a ka niam ka rukom jong u khun Khasi Khara. Da kaba u ong ka 'Meirilung-ka-Meirisan', u myllung u mut i'a ka ri Khasi, ki lum bad ki them, ki pyntha bad ki padun jong ka ha kaba u Hynniew Trep Hynniew Skum u wan ban shong ban sah bad ban synshar. Ngi sngewthuh ba u myllung u kren ia ka jingsdang ka rukom im, ka deiriti hangne, haba u rwai kumne: "Ko meirilung, ko meirisan, Ko ri ki kiaw ki kthaw kulong; Hynniew ki hiar ban seng duwan, " (Ka Meirilung, Dk. 2 Lain: 1-3) 99. Soso Tham, Ki Sngi Barim VHynniew Trep, p P.G.Gatphoh, Sawdong Ka Lyngwiar Dpei, Sixth Edition, Shillong, Ri Khasi Press, p.l64. 55

29 Ka don ka jingiapher khyndiat hangne hapdeng u myllung Soso Tham bad u myllung P.G. Gatphoh. U Soso Tham haba u kren shaphang ka jingwan jong u Hynniew Trep Hynniew Skum sha kane ka pyrthei, u kdew la kata ka jingrai na Dorbar Blei ba u Hynniew Trep un wan ban hiar ban rep ban riang sha kane ka pyrthei. U myllung P.G. Gatphoh pat u phai kham sha jngai haba u kren shaphang ka jinghiar jong u Hyrmiew Trep, kata ym tang ban rep bad ri jingri hynrei ban wan seng ruh Ta ka niam ka rukom. U P.G. Gatphoh u pynpaw kumno u Hynniew Trep Hyniiiew Skum haba u wan ban hiar sha kane ka pyrthei, u wan ryngkat ka niam ka rukom i'a kaba u Blei Nongbuh Nongthaw u la pynkhamti ha u. U P.G Gatphoh ong ba ki kpa tymmen haba ki wan hiar sha kane ka pyrthei, ki wan ruh ban seng ia ka niam ka rukom i'a kaba ki longdien kin i'ai bud ryngkhi na kawei ka por sha kawei pat. Kaei kaba u P.G. Gatphoh u rwai ha ka poim jong u ka ia hab bad kaei kaba kiwei de ki khraw pyrkhat ki pynpaw. U R.T. Rymbai uwei na ki nongthoh ba paw khmat u kynthoh kumne: "Ki Khasi-Pnar ki ong ba u Blei u la ai ha ki Ta ka niam myn ha kaba u la phah i'a ki kpa tymmen banyngkong eh kata, u Hynniew Trep ban wan shong bad sah hangne ha sla pyrthei"' ' Uwei pat u nongthoh, u Hipshon Roy, ha kaba i'adei bad kane ka bynta u ong ba: "Ki Khasi ki ngeit ba u Blei u la thaw Ta ki jaitbynriew bapher bapher hangne ha sla pyrthei bad u la ai ha ki Ta la ki jong ki jong ki niam ki rukom, ki jinglehniam ban mane pyndonburom Ta U kat kumba u la pynkhamti ha ki kpa tymmen jong ki".' ^ U myllung Soso Tham um shym da kdew eh Ta ka leh niam leh rukom ha ki poim jong u hynrei u pynpaw Ta ka jingtadei hapdeng u briew bad u Blei bad 101. R.T. Rymbai, "Some Aspects Of The Religion Of The Khasi-Pnars" in Khasi Heritage, Edited by Hipshon Roy, Reprint, Shillong, Ri Khasi Press, p.l Hipshon Roy (ed), Khasi Heritage, Reprint, Shillong, Ri Khasi Press, 1996, p

30 kaei kaba u briew u tyngkai hapoh ha la ka mynsiem i'a kata ka jingiadei kaba kordor eh ha u. Ha kata ka juk jong ka aiom ksiar u briew u mane la la u Nongthaw, ha kaba u my Hung u rwai kumne: Shuwa ban paw u Ksuid u Khrei, Baroh ki mane ia UBlei. (KiSymbohKsiar, Dk. II-Lain: 5-6) U myllung P.G. Gatphoh haba u kren la ka jingwan hiar jong u Hynniew Trep sha kane ka pyrthei u kham kren shaphang ka leh niam leh rukom hynrei u myllung Soso Tham pat u kren khamtam eh sha ka jinglong mynsiem namar u ong ba ha kata ka aiom ksiar u briew u dang mane Ta u Blei. Dei kata ka jinglong mynsiem kaba hapoh jong ki briew kaba pynlong ia ki ban ym pynsyrwa ei la ka por hynrei ban rep ban riang, ban trei minot ha la ki kam ki duk man la ka sngi. Ki tih ki pharia, ki puh ki dain bad ki bet i'a la u symbai u mai ha la ki aiom bet bapher bapher da ka mynsiem kaba kmen. Ka mei-ramew ka la iphuh iphieng da ki rong ki rup ba bun jait bun rukom bad ka thung ka tep bad ka rep ka riang ka la nangroi bad saphriang kylleng ki jaka. U myllung Soso Tham da ki khmat ka jingmutdur u i'ohi ia ka jingdap kyrhai bad jingsei soh jong ka mei mariang kaba ker sawdong i'a u Hynniew Trep ha kata ka juk, da kaba u ong kumne: Suki hadien sawdong kiphriang, Nangroi nangiar ka rep ka riang: Ynda ki thung Brikwai Brisoh, 103. Soso Tham, Ki Sngi Barim UHynniew Trep, p. 57

31 Ynda ki deng Piengksiar Symboh, (Ka Persyntiew, Dk. VLain: 1-4) U H.O. Mawrie mh u kren shaphang ka jinglong ba shisur bad ka trei ka ktah ka laid beit laid ryntih ha kata ka juk, ha kaba: "Ha la ka sngi u im shi sur, u trei u ktah, u rep u riang bad u trei shitom ban loh la la ka bam." Kumba la kdew sha khmat, u Blei haba u phah ia u khun Hyniiiew Trep sha kane ka pyrthei um shym la phah thylli kumto. Hynrei u da pyni bad hikai ia u briew kumno ban trei ban ktah bad ban rep ban riang. U da ai mh ha u khun bynriew ia u symbai u mai khnang ba kin ioh bet bad ot kat kum ki aiom. Na ki khanatang hi ka paw ba ka kam ba nyngkong eh jong u Hynhiew Trep ban trei ha kane ka pyrthei ka long ka rep ka riang. Haba u Blei u ai ha u khun bynriew ia u synbai u mai ban rep ka long ba U kwah ba u briew hi un trei shitom khnang ban ioh la ka bam, ym ba un shu wan ban shu shong suk khlem kam khlem jam hangne ha pyrthei. Ha u briew uba khlem kam khlem jam barobor ki jingpynshoi ba har rukom ki ioh ban kjap ia ki jingmut jingpyrkhat jong u hynrei ha u briew hi uba don la ka kam ban trei, u pynleit jingmut bad duriap beit tang sha la ka kam kaba u trei. U Blei mh um kwah satia ia u khun bynriew ban wan shong khlem kam hangne ha pyrthei hynrei u kwah ba u briew un tip ia la ka bam ka sa da kaba u hab ban trei shitom ym da kaba shu ioh ei. Ka jingim nongrep barobor ka long ka jingim kaba shisur shi jingmut bad kaba khuid. U mih na iing la dang saw ka tyngab sha la ki lyngkha ki hali bad u wan phai pat sha iing ynda la kem iongrein ka bneng. Kane ka pynlong ia u ba un nym don por ban tuklar, ban bishni bad peit matdong ia kiwei. Da la ka umsyep hok u trei shitom ban 104. Soso Tham, Ki Sngi Barim U Hyniiiew Trep, p H.O Mawrie Ka Theology Jong Ka Niam Khasi, p. 3 ] 58