ӨРГӨДӨЛ БӨГЛӨЖ, ИЛГЭЭХ ГАРЫН АВЛАГА Шинэчилсэн огноо: 2016.01.27 2016 он
АГУУЛГА 1. Системд нэвтрэх зааварчилгаа... 3 2. Өргөдөл бөглөж, илгээх зааварчилгаа... 6 Өргөдөл бөглөх үед тааралдах талбаруудыг бөглөх зааварчилгаа... 6 Өргөдөл бөглөх зааварчилгаа... 9 Өргөдөл засах, дутуу бүртгэсэн мэдээллийг нэмж оруулах зааварчилгаа... 21 Буруу үүсгэсэн өргөдлийг устгах заавчилгаа... 23 Өргөдөл илгээх зааварчилгаа... 25 3. Өргөдлийн төлөв түүний тухай ойлголт... 28
1. СИСТЕМД НЭВТРЭХ ЗААВАРЧИЛГАА Энэ бүлэгт Тэтгэлгийн удирдлага системд нэвтрэх зааврыг өгнө. Санамж: Гарын авлагыг гарсан өөрчлөлт бүрт шинэчилж байх тул шинэчилсэн хувилбарыг тухай бүрт шинээр татаж үзнэ үү. Гарын авлагын шинэчилсан огноо гарын авлагын нүүр хэсэгт тавигдсан байна. Системд нэвтрэхдээ дараах дарааллыг баримтална. Үүнд: 1. Интернет хөтчийн домэйн хаягийн талбарт esis.edu.mn/grant гэж бичээд enter товч дарахад нүүр хуудас руу орно. 2. Системд нэвтрэх хэсэгт өөрийн бүртгүүлсэн мэйл хаяг, нууц үгийг бичиж нэвтрэх товчийг дарснаар Тэтгэлгийн удирдлага системд нэвтэрнэ. Алхамчилсан заавар: Алхам1 Интернет хөтчийн домэйн хаягийн талбарт esis.edu.mn/grant гэж бичээд enter товч дарснаар сургалтын тэтгэлгийн доорх вэб сайт руу орно.
Алхам2 Нүүр хуудасны баруун дээд хэсэгт байрлах системд нэвтрэх хэсэг дараах байдалтай байна. 1. Бүртгүүлэхэд ашигласан мэйл хаягийг нэвтрэх нэр талбарт оруулна. 2. Өөрийн бүртгүүлсэн нууц үгийг нууц үг талбарт оруулна. 3. Нэвтрэх товчийг дарснаар Тэтгэлгийн удирдлага системд нэвтэрч дараах цонх нээгдэнэ.
Санамж: Тэтгэлгийн удирдлага системд нэвтэрч, өргөдөл бөглөхийн тулд эхлээд системийн эрхийг нээх шаардлагатайг анхаарна уу. Сургалтын тэтгэлгийн нүүр хуудасны гарын авлага хэсгээс Системд нэвтрэх эрх нээх гарын авлага -ыг татаж авч үзнэ үү.
2. ӨРГӨДӨЛ БӨГЛӨЖ, ИЛГЭЭХ ЗААВАРЧИЛГАА Энэ бүлэгт тэтгэлэгт хүсэлт гаргагч нь өргөдлийг хэрхэн бөглөж, хадгалах, өргөдлийн мэдээллийг засах, буруу үүсгэсэн өргөдлийг устгах болон өргөдөл илгээх тухай зааврыг өгнө. Санамж: Өргөдөл гаргагч нь өргөдлийг бөглөж, хадгалах үйлдлийг хийгээд л болсон гэж ойлгож болохгүй. Өргөдлийг илгээх үйлдлийг заавал хийх шаардлагатайг анхаарна уу. ӨРГӨДӨЛ БӨГЛӨХ ҮЕД ТААРАЛДАХ ТАЛБАРУУДЫГ БӨГЛӨХ ЗААВАРЧИЛГАА Энэ дэд бүлэгт өргөдөл бөглөх үед тааралдах олон төрлийн талбарыг бөглөх зааврыг өгнө. 1. Текст талбар: Текст талбарт тоо, үсгээс бүрдсэн тэмдэгтийг оруулах боломжтой. Ийм талбарт зөвхөн гараас утга оруулна. Тэмдэгтийг тоог тухайн бичих шаардлагаас хамаарч системээс хязгаарласан байдаг. Жишээ нь 1200 тэмдэгт Текст талбарын харагдах байдал нь доорх байдалтай байна. 2. Тоо талбар: Тоо талбарт зөвхөн тоо л бичнэ. Үсэг, тэмдэгт бичих үед алдаа заана. Тоо талбарын харагдах байдал доорх байдалтай байна. Тоо талбар нь харагдах байдлаараа текст талбартай адилхан байх боловч тооноос өөр тэмдэгт, үсэг оруулах үед алдаа заана. 3. Огноо талбар: Огноо талбар нь талбарынхаа төгсгөл хэсэгт хуанлины зурагтай байна. Огноо талбарт зөвхөн он, сар, өдрийг л системээс харуулсан форматын дагуу бөглөнө. Ихэвчлэн он-сар-өдөр хэвжүүлэлтэй байдаг. Жишээ нь: 1976-02-03 Огноо талбарын харагдах байдал нь доорх байдалтай байна.
Зурагт харуулсны дагуу талбар дээр шууд гараас бичиж оруулах эсвэл хуанлигаас сонгож оруулах боломжтой. 4. Ганцыг сонгох талбар: Ганцыг сонгох талбар нь талбарынхаа төгсгөлд доошоо чиглэлтэй сумны зурагтай байна. Ганцыг сонгох талбарт зөвхөн өгөгдсөн хариултаас л сонгох боломжтой. Гараас утга оруулах боломжгүй. Ганцыг сонгох талбар доорх байдалтай байна. 5. Хайлтын үр дүнг санал болгох талбар: Хайлтын үр дүнг санал болгох талбар нь талбарын төгсгөлд томруулдаг шилний зурагтай байна. Энэ талбарт гараас бичсэн утгын дагуу системд байгаа ижил төрлийн утгуудыг санал болгож харуулна. Мөн томруулдаг шилний зураг дээр дарж дэд цонхонд хайх үгээ бичиж хайж болно. Сонгох боломжтой утга илэрсэн тохиолдолд сонгоно. Тийм утга байхгүй бол гараас бичнэ.
ӨРГӨДӨЛ БӨГЛӨХ ЗААВАРЧИЛГАА Энэ дэд бүлэгт өргөдөл бөглөх алхамчилсан заавар болон өргөдөл бөглөхөд анхаарах зүйлсийн зааврыг өгнө. Өргөдөл бөглөхөд дараах дарааллыг баримтална. Үүнд: 1. Тэтгэлгийн удирдлага системийн үйл ажиллагааны жагсаалтаас Өргөдөл-ийг сонгоход өргөдөл гэсэн цонх нээгдэнэ. 2. Өргөдөл цонхны баруун дээд хэсэгт байрлах Шинэ өргөдөл үйлдэл дээр дарахад тэтгэлэг сонгох гэсэн дэд цонх нээгдэнэ. 3. Тэтгэлэг сонгох дэд цонхны талбаруудыг бөглөөд (өргөдөл бөглөх тэтгэлгээ сонгоод) өргөдөл үүсгэх товчийг дарахад тухайн сонгосон тэтгэлгийн өргөдлийн цонх нээгдэнэ. 4. Өргөдлийн цонх нь 7 алхамтай бүртгэлийн цонх байх бөгөөд алхам бүр дэх шаардлагатай мэдээллийг үнэн зөв бөглөж хадгална. Жич: Алхам бүр дээр хадгалах үйлдэл хийх боломжтой. Алхамчилсан заавар: Алхам1: Тэтгэлгийн удирдлага системийн дээрх үндсэн цонхноос Өргөдөл үйл ажиллагааг сонгоно. Ингэхэд дараах цонх нээгдэнэ.
Алхам2: Өргөдөл цонхны баруун дээд хэсэгт байрлах Шинэ өргөдөл үйлдлийг дарахад өргөдөл үүсгэх гэсэн дэд цонх нээгдэнэ. Дараах дэд цонх нээгдэнэ. Алхам3: 1. Тэтгэлэг талбарт хүсэлт гаргах тэтгэлгийг сонгоно. 2. Өргөдөл талбарт өргөдлийн төрлийг сонгоно. 3. Цонхны баруун доод хэсэгт байрлах өргөдөл үүсгэх товчийг дарна. Өргөдөл үүсгэх товчийг дарахад өргөдөл бөглөх дараах цонх нээгдэнэ.
Алхам4: Өргөдөл бөглөх цонх нь алхамтай бүртгэлийн цонх байх бөгөөд алхам бүрийн мэдээллийг үнэн зөв бөглөж баруун дээд хэсэгт байрлах хадгалах товчийг дарж хадгална. Ингэхдээ алхам бүрт бөглөсөн мэдээллийг тухай бүрт хадгалах боломжтой. Дараагийн алхам руу шилжихдээ дээрх зурагт харуулсан алхмын нэр дээр дарна.
Алхам бүрийн мэдээллийг хэрхэн бөглөх тухай зааврыг өгье. Өргөдлийн ерөнхий мэдээлэл алхам: Ерөнхий мэдээлэл алхам нь үндсэн мэдээлэл, гэр бүлийн мэдээлэл гэсэн 2 дэд бүлгээс бүрдэнэ. Ерөнхий мэдээлэл бөглөх алхам нь доорх байдалтай байна. 1. Үндсэн мэдээллийг бөглөнө. Үндсэн мэдээлэл хэсэгт чээж зургийг татаж оруулна. 2. Гэр бүлийн мэдээлэл хэсэгт бакалаврт өргөдөл гаргагч гэрлэсэн бол эхнэр, нөхөр, хүүхэд, эцэг, эхийн мэдээлэл гэрлээгүй бол эцэг эхийн мэдээлэл, магистр, докторт өргөдөл гаргагч гэрлэсэн бол эхнэр, нөхөр, хүүхдийн мэдээлэл гэрлээгүй бол эцэг эхийн мэдээллийг тус тус оруулна. Гэр бүлийн мэдээллийг бүртгэхдээ дээрх зурагт харуулсан нэмэх товчийг дарахад гэр бүлийн мэдээлэл хэсэгт мөр үүснэ. Нэмэх товчийг ашиглан гэр бүлийн хэдэн ч гишүүний мэдээллийг нэмж оруулах боломжтой. 3. Ерөнхий мэдээлэл алхмын мэдээллийг оруулж дуусаад цонхны баруун дээд хэсэгт байрлах хадгалах товчийг дарахад уг алхмын мэдээлэл хадгалагдана. Санамж: Ерөнхий мэдээлэл алхамд мэдээллийг дутуу бөглөөд хадгалах товч дарах эсвэл өргөдлийн дараагийн алхам руу шилжихэд алдаа өгнө. Тухайн алхмын мэдээллийг бүрэн бөглөсний дараа л хадгалах болон өргөдлийн дараагийн алхам руу шилжих боломжтой.
Өргөдлийн холбоо барих алхам: Холбоо барих алхам нь хаяг, утасны дугаар, и-мэйл хаяг, яаралтай холбоо барих(монголд) гэсэн 4 дэд бүлгээс бүрдэнэ. Дараах байдалтай байна. Холбоо барих алхмын мэдээллийг доорх зааврын дагуу бөглөнө. 1. Хаягийн мэдээлэл хэсэгт өргөдөл бөглөгч нь өөрийн оршин сууж байгаа хаяг болон албан ёсны бүртгэлтэй хаягийг оруулна. Хаягийн мэдээлэл оруулахдаа хаяг дэд бүлэгт байрлах хаяг нэмэх товчийг дарахад хаяг нэмэх гэсэн нэртэй дэд цонх нээгдэнэ. Дэд цонхны мэдээллийг бөглөж хадгалах товч дарснаар хаяг хэсэгт тухайн оруулсан хаяг нэмэгдсэн байна. Хаяг нэмэх товчийг ашиглан хэдэн ч хаяг нэмэх боломжтой бөгөөд бүртгэлтэй хаяг болон оршин суугаа хаягийг заавал оруулна. Жич: Бүртгэлтэй хаягтаа оршин сууж байсан ч бүртгэлтэй хаяг, оршин суугаа хаягийг үүсгэж ижил хаяг оруулна. 2. Утасны дугаар хэсэгт эргэж холбоо барих боломжтой үргэлж ашигладаг идэвхтэй утасны дугаар оруулна. Утасны дугаарын мэдээлэл оруулахдаа утасны дугаар дэд бүлэгт байрлах утасны дугаар нэмэх товчийг дарахад утасны дугаар дэд бүлгийн доор мөр үүснэ. Үүссэн
мөрийн мэдээллийг бөглөнө. Утасны дугаар нэмэх товчийг ашиглан хэдэн ч утасны дугаар бүртгэх боломжтой. Хамгийн багадаа 1-2 утасны дугаар заавал оруулна. 3. И-мэйл хаяг хэсэгт эргэж холбоо барих боломжтой үргэлж ашигладаг идэвхтэй мэйл хаягийн мэдээлэл оруулна. И-мэйл хаягийн мэдээлэл оруулахдаа и-мэйл хаяг дэд бүлэгт байрлах и-мэйл хаяг нэмэх товчийг дарснаар и-мэйл хаяг хэсэгт мөр үүснэ. Үүссэн мөрийн мэдээллийг бөглөнө. И-мэйл хаяг нэмэх товчийг ашиглан хэдэн ч хаяг бүртгэх боломжтой. Хамгийн багадаа 1-2 и-мэйл хаяг заавал оруулна. 4. Яаралтай холбоо барих хэсэгт монголд байгаа яаралтай үед эргэж холбоо барих хүний мэдээллийг оруулна. Яаралтай холбоо барих хэсгийн мэдээлэл оруулахдаа яаралтай холбоо нэмэх товчийг дарахад тухайн дэд бүлгийн доор мөр үүснэ. Мөрийн мэдээллийг оруулна. Яаралтай холбоо нэмэх үйлдлийг ашиглан хэдэн ч холбоо барих хүний мэдээллийг оруулах боломжтой. Хамгийн багадаа 1-2 хүний мэдээллийг бүртгэнэ. 5. Холбоо барих алхмын мэдээллийг оруулж дуусаад цонхны баруун дээд хэсэгт байрлах хадгалах товчийг дарахад уг алхмын мэдээлэл хадгалагдана. Өргөдлийн холбоо барих алхмын 4 дэд бүлгийн мэдээллийг бөглөж дуусаад цонхны баруун дээд хэсэгт байрлах хадгалах товчийг дарахад тухайн алхамд бөглөсөн мэдээлэл хадгалагдана.
Өргөдлийн боловсролын мэдээлэл алхам: Боловсролын мэдээлэл алхам нь боловсрол, тест/шалгалт, шагнал гэсэн 3 дэд бүлгээс бүрдэнэ. Дараах байдалтай байна. Боловсролын мэдээлэл алхмын мэдээллийг доорх зааврын дагуу бөглөнө. 1. Боловсрол хэсэгт өргөдөлд тавигдсан шаардлагын дагуух эзэмшсэн болон одоо сурч байгаа бүх боловсролын мэдээллийг оруулна. Боловсролын мэдээлэл оруулахдаа боловсрол хэсэгт байрлах нэмэх товчийг дарахад боловсролын мэдээлэл гэсэн нэртэй дэд цонх нээгдэнэ. Боловсрол нэмэх дэд цонхны мэдээллийг бөглөж тийм товчийг дарахад боловсролын мэдээлэл үндсэн цонхонд нэмэгдэнэ. Нэмэх товчийг ашиглан эзэмшсэн боловсролын түвшин бүрийн мэдээллийг нэмж оруулах боломжтой. Өөрөөр хэлбэл нэг эзэмшсэн боловсролын мэдээллийг бөглөж хадгалсны дараа дахин нэмэх товчийг дарж дараагийн эзэмшсэн боловсролын мэдээллийг бөглөж хадгална. Ингэснээр 2 боловсролын мэдээлэл боловсрол хэсэгт үүснэ. 2. Тест, шалгалт хэсэгт өргөдөл бөглөгч нь өөрийн өгсөн хэлний болон бусад ОУ-д хүлээн зөвшөөрөгддөг тест, шалгалтын мэдээллийг оруулна. Тест, шалгалтын мэдээлэл оруулахдаа тест, шалгалт хэсгийн нэмэх товчийг дарахад тест, шалгалтын мэдээлэл гэсэн нэртэй дэд цонх нээгдэнэ. Дэд цонхны мэдээллийг
бөглөөд тийм товчийг дарснаар тухайн бөглөсөн мэдээлэл тест, шалгалт хэсэгт нэмэгдэнэ. Нэмэх товчийг ашиглан хэдэн ч удаа тест, шалгалтын мэдээлэл нэмж оруулах боломжтой. 3. Шагнал хэсэгт хэрэв уралдаан, тэмцээн, олимпиадад оролцож шагнал хүртэж байсан бол тухайн хүртсэн шагналын мэдээллийг оруулна. Шагналын мэдээлэл оруулахдаа шагнал хэсгийн нэмэх товчийг дарахад шагналын мэдээлэл гэсэн нэртэй дэд цонх нээгдэнэ. Дэд цонхны мэдээллийг бөглөөд тийм товчийг дарснаар тухайн бөглөсөн мэдээлэл шагнал хэсэгт нэмэгдэнэ. Нэмэх товчийг ашиглан хэдэн ч шагналын мэдээлэл нэмж оруулах боломжтой. 4. Боловсролын мэдээлэл алхмын мэдээллийг оруулж дуусаад цонхны баруун дээд хэсэгт байрлах хадгалах товчийг дарахад уг алхмын мэдээлэл хадгалагдана. Өргөдлийн ажил эрхлэлт алхам: Ажил эрхлэлт алхам нь ажлын түүх, нийгмийн идэвхи, оролцоо гэсэн 2 дэд бүлгээс бүрдэнэ. Дараах байдалтай байна. Ажил эрхлэлт алхмын мэдээллийг дараах зааврын дагуу бөглөнө. 1. Ажлын түүх хэсэгт өргөдөл гаргагч өөрийн урьд нь ажиллаж байсан ажил эрхлэлтийн мэдээлэл болон одоо ажиллаж байгаа ажил эрхлэлтийн мэдээллийг оруулна. Ажлын түүхийн мэдээлэл оруулахдаа ажлын түүх хэсэгт байрлах ажлын түүх нэмэх товчийг дарахад ажлын түүх нэмэх гэсэн нэртэй дэд цонх нээгдэнэ. Ажлын түүх нэмэх дэд цонхны мэдээллийг бөглөж, хадгалах товчийг дарахад ажлын түүхийн мэдээлэл үндсэн цонхонд нэмэгдэнэ. Нэмэх товчийг ашиглан эрхэлж байсан болон эрхэлж байгаа хэдэн ч ажил эрхлэлтийн мэдээлэл нэмж оруулах боломжтой. Өөрөөр хэлбэл нэг ажил эрхлэлтийн мэдээлэл бөглөж, хадгалсны дараа дахин нэмэх товчийг дарж дараагийн ажил эрхлэлтийн мэдээллийг бөглөж хадгална. Ингэснээр 2 ажлын түүх хэсэгт үүснэ.
2. Нийгмийн идэвхи, оролцоо хэсэгт өргөдөл бөглөгч нь олон нийтийн ажил, клуб, нам зэрэг нийгмийн идэвхи, оролцооны ажил хийж байсан болон хийж байгаа мэдээлэл оруулна. Нийгмийн идэвхи, оролцооны мэдээлэл бүртгэхдээ нийгмийн идэвхи, оролцоо хэсгийн нэмэх товчийг дарахад нийгмийн идэвхи оролцоо нэмэх гэсэн нэртэй дэд цонх нээгдэнэ. Дэд цонхны мэдээллийг бөглөөд хадгалах товч дарахад тухайн оруулсан мэдээлэл нийгмийн идэвхи, оролцоо хэсэгт нэмэгдсэн байна. Нэмэх товчийг ашиглан ажиллаж байсан, ажиллаж байгаа хэдэн ч идэвхи, оролцоог нэмэх боломжтой. 3. Ажил эрхлэлт алхмын мэдээллийг оруулж дуусаад цонхны баруун дээд хэсэгт байрлах хадгалах товчийг дарахад уг алхмын мэдээлэл хадгалагдана.
Өргөдлийн элсэлтийн мэдээлэл алхам: Элсэлтийн мэдээлэл алхам нь тэтгэлэг авах сургалтын хөтөлбөр, бусад тэтгэлэг, supporting statement гэсэн 3 дэд бүлгээс бүрдэнэ. Дараах байдалтай байна.
Элсэлтийн мэдээлэл алхмыг дараах зааврын дагуу бөглөнө. 1. Тэтгэлэг авах сургалтын хөтөлбөр хэсэгт одоо тэтгэлэг хүсч байгаа сургалтын талаарх мэдээллийг оруулна. Талбар бүрийг үнэн зөв гүйцэт бөглөнө. 2. Бусад тэтгэлэг хэсэгт өмнө нь авч байсан, одоо хүсэлт гаргасан байгаа, одоо сурч байгаа тэтгэлгийн талаарх мэдээллийг оруулна. Бусад тэтгэлгийн мэдээллийг оруулахдаа бусад тэтгэлэг хэсэгт байрлах нэмэх товчийг дарахад тэтгэлэг нэмэх гэсэн нэртэй дэд цонх нээгдэнэ. Дэд цонхны мэдээллийг бөглөөд хадгалах товч дарахад бусад тэтгэлэг хэсэгт оруулсан мэдээлэл нэмэгдсэн байна. Нэмэх товчийг ашиглан авч байсан, хүсэлт гаргасан байгаа, одоо сурч байгаа тэтгэлгийн мэдээллийг бүгдийг нэмж оруулах боломжтой. 3. Supporting statement хэсэгт асуулт тус бүрийг 1200 тэмдэгтэд багтаан англи хэл дээр бичнэ. (Энэ хэсэг нь зөвхөн СТС-ийн магистр, докторийн өргөдөлд харагдана.) 4. Элсэлтийн мэдээлэл алхмын мэдээллийг оруулж дуусаад цонхны баруун дээд хэсэгт байрлах хадгалах товчийг дарахад уг алхмын мэдээлэл хадгалагдана. Өргөдлийн баримт бичиг алхам: Баримт бичиг алхам нь баримт бичиг гэсэн нэг дэд бүлгээс бүрдэнэ. Дараах байдалтай байна. Баримт бичиг алхмыг дараах зааврын дагуу бөглөнө. 1. Баримт бичиг хэсэгт тухайн тэтгэлэгт тавигдсан шаардлагын дагуу баримт бичиг тус бүрийг 1 PDF файл болгон татаж оруулна. Баримт бичгийн мэдээллийг оруулахдаа баримт бичиг хэсэгт байрлах нэмэх товчийг дарахад баримт бичиг нэмэх гэсэн нэртэй дэд цонх нээгдэнэ. Дэд цонхонд татаж оруулах гэж байгаа баримт бичгийн төрлийг сонгож, файлыг татаж оруулаад нэмэх товчийг дарна. Хэрэв таны бүтээл болон бусад баримт бичгийг онлайнаар харах боломжтой бол тухайн холбоосыг оруулж өгч болно. Нэмэх үйлдлийг ашиглан хэдэн ч баримт бичиг нэмж оруулах боломжтой.
Жич: Баримт бичигийн шаардлагыг сургалтын тэтгэлэг вэб сайтын нүүр хуудасны гарын авлага хэсгээс баримт бичигт тавигдах шаардлага гэсэн гарын авлагыг татаж авч үзнэ үү. Баримт бичгийг татаж оруулахаас өмнө тус бүрийг 1, 1 PDF файл болгон бэлдсэн байвал зохино. 2. Баримт бичиг алхмын мэдээллийг оруулж дуусаад цонхны баруун дээд хэсэгт байрлах хадгалах товчийг дарахад уг алхмын мэдээлэл хадгалагдана. Өргөдлийн баталгаажуулалт алхам: Баталгаажуулалт алхам нь ярилцлага гэсэн нэг дэд бүлгээс бүрдэнэ. Энэ алхам өргөдөл бөглөх хамгийн сүүлчийн алхам юм. Дараах байдалтай байна. 1. Ярилцлага хэсэгт ярилцлагын төрлийг сонгоно. Ярилцлагын төрлыг онлайн гэж сонгосон тохиолдолд SkypeID-г заавал оруулж өгнө. (Энэ хэсэг нь зөвхөн СТС-ийн магистр, докторийн өргөдөлд харагдана.) 2. Баталгаажуулалт алхмын мэдээллийг оруулж дуусаад цонхны баруун дээд хэсэгт байрлах хадгалах товчийг дарахад уг алхмын мэдээлэл хадгалагдана. Баталгаажуулалт алхам нь өргөдөл бөглөх сүүлийн алхам тул хадгалах товч дарсны дараа хаах товч дарж бөглөсөн өргөдлийг жагсаалт хэлбэрээр харуулах анхны цонх руу шилжинэ. Санамж: Өргөдөл бөглөх алхам бүр дээр хадгалах товч дарахад өмнөх алхмын бөглөсөн мэдээлэл хамт хадгалагдана. Мөн өргөдөл бөглөгч нь өргөдлөө илгээх үйлдэл хийгээгүй тохиолдолд бөглөж дууссан алхмуудаа хадгалж өргөдлөө хаагаад тухайн өргөдлөө хэдэн ч удаа орж дахин гүйцээж бөглөх, буруу мэдээллийг засах, буруу үүсгэсэн өргөдлийг устгах боломжтой.
ӨРГӨДӨЛ ЗАСАХ, ДУТУУ БҮРТГЭСЭН МЭДЭЭЛЛИЙГ НЭМЖ ОРУУЛАХ ЗААВАРЧИЛГАА Энэ дэд бүлэгт үүсгэсэн өргөдлийн мэдээлэл засах, дутуу мэдээллийг нэмж оруулах зааврыг өгнө. Санамж: Илгээх үйлдэл хийгээгүй үед л өргөдлийн буруу мэдээллийг засах, дутуу мэдээллийг нэмж оруулах боломжтой болохыг анхаарна уу. Тиймээс өргөдлөө илгээхээс өмнө алдааг сайтар шалгаж, буруу болон дутуу мэдээллийг зассаны дараа бүх мэдээлэл зөв гэж үзсэн үед л өргөдөл илгээх үйлдлийг хийнэ үү. Өргөдлийн мэдээлэл засахад дараах дарааллыг баримтална. Үүнд: 1. Тэтгэлгийн удирдлага системийн үйл ажиллагааны жагсаалтаас Өргөдөл-ийг сонгоход өргөдөл гэсэн цонх нээгдэнэ. 2. Өргөдөл цонхны өргөдлийн жагсаалтаас засах өргөдлийн мөрийг идэвхжүүлнэ. 3. Үйлдэл цэснээс өргөдөл засах үйлдлийг дарна. 4. Өргөдөл засах цонх нээгдэхэд дутуу мэдээллийг оруулж, буруу мэдээллийг засна. 5. Зассан мэдээллийг хадгална. Алхамчилсан заавар: Алхам1: Тэтгэлгийн удирдлага системийн дээрх үндсэн цонхноос Өргөдөл үйл ажиллагааг сонгоно. Ингэхэд дараах цонх нээгдэнэ.
Алхам2: Өргөдөл цонхны баруун хэсэгт байрлах өөрийн бөглөсөн өргөдлийн жагсаалтаас засах өргөдлийн мөрийг идэвхжүүлж, баруун дээд хэсэгт байрлах үйлдэл цэснээс өргөдөл засах гэснийг дарахад өргөдөл засах гэсэн нэртэй дараах цонх нээгдэнэ. Жич: Засах өргөдлийн дугаар дээр хулганаар дарж шууд өргөдөл засах цонх руу орох боломжтой. Алхам3
Өргөдөлд дутуу оруулсан мэдээллийг шинээр оруулж, буруу бөглөсөн мэдээллийг зассаны дараа баруун дээд хэсэгт байрлах хадгалах товч дарахад өөрчилсөн мэдээлэл хадгалагдана. Баруун дээд хэсэгт байрлах хаах товчийг дарахад үндсэн цонх руу шилжинэ. Алхам бүрт нэмэх товчийг ашиглан нэмсэн мэдээллийг засах, устгахдаа дараах зааврыг баримтална. Жишээ нь хаягийн мэдээллийг буруу оруулсан гэж үзье. Доорх зааврын дагуу засна. 1. Харандааны зураг дээр дарахад тухайн бүртгэсэн мэдээллийг засах цонх нээгдэнэ. Тухайн цонхонд мэдээллийг засч хадгална. 2. X тэмдэглэгээний зураг дээр дарахад тухайн мөр мэдээлэл шууд устана. БУРУУ ҮҮСГЭСЭН ӨРГӨДЛИЙГ УСТГАХ ЗААВАРЧИЛГАА Энэ дэд бүлэгт буруу өргөдлийн төрөл сонгож үүсгэсэн болон буруу үүсгэсэн өргөдлийг бүхэлд нь устгах зааврыг өгнө. Санамж: Илгээх үйлдэл хийгээгүй үед л буруу үүсгэсэн өргөдлийг устгах боломжтой болохыг анхаарна уу. Тиймээс өргөдлөө илгээхээс өмнө буруу үүсгэсэн өргөдлийг устгаж, зөв өргөдөл үүсгэж илгээнэ. Устгах үйлдэл нь тухайн өргөдлийг бүтнээр устгах тул хэрэв мэдээлэл засах гэж байгаа бол өргөдөл засах үйлдлийг ашиглан хийхийг анхаарна уу. Өргөдөл устгахад дараах дарааллыг баримтална. Үүнд: 1. Тэтгэлгийн удирдлага системийн үйл ажиллагааны жагсаалтаас Өргөдөл-ийг сонгоход өргөдөл гэсэн цонх нээгдэнэ. 2. Өргөдөл цонхны өргөдлийн жагсаалтаас устгах өргөдлийн мөрийг идэвхжүүлнэ. 3. Үйлдэл цэснээс өргөдөл устгах үйлдлийг дарна. 4. Өргөдөл устгах эсэхийг асуусан дэд цонхны тийм гэсэн товчийг дарахад өргөдлийн жагсаалтаас тухайн өргөдөл устана.
Алхамчилсан заавар: Алхам1: Тэтгэлгийн удирдлага системийн дээрх үндсэн цонхноос Өргөдөл үйл ажиллагааг сонгоно. Ингэхэд дараах цонх нээгдэнэ. Алхам2:
Өргөдөл цонхны баруун хэсэгт байрлах өөрийн бөглөсөн өргөдлийн жагсаалтаас устгах өргөдлийн мөрийг идэвхжүүлж, баруун дээд хэсэгт байрлах үйлдэл цэснээс өргөдөл устгах гэснийг дарахад өргөдөл устгах эсэхийг асуусан дараах дэд цонх нээгдэнэ. Тийм гэсэн товчийг дарахад тухайн өргөдөл жагсаалтаас устана. ӨРГӨДӨЛ ИЛГЭЭХ ЗААВАРЧИЛГАА Энэ дэд бүлэгт бөглөж, хадгалсан өргөдлийг хэрхэн илгээх тухай зааврыг өгнө. Санамж: Өргөдөл илгээх товч идэвхтэй болох үед л өргөдөл илгээх боломжтой болно. Энэ товчийг системээс автоматаар тодорхой хугацаанд идэвхгүй болгосон байх бөгөөд өргөдөл бөглөх явцад удахгүй идэвхтэй болно. Нэг төрлийн боловсролын түвшин, тэтгэлэгт нэг л удаа өргөдөл илгээх боломжтой. Тиймээс өргөдөл илгээхээс өмнө мэдээллийн үнэн зөв байдал, дутуу байдлыг сайтар шалгана уу. Өргөдлийг заавал нэг өдрийн дотор бөглөж, илгээх шаардлагагүй бөгөөд өргөдөл хүлээн авах хугацаа буюу хаагдах хугацаа хүртэл бөглөх боломжтой. Өргөдөл хүлээн авах хугацаа дуусахаас өмнө ямар ч өдөр өргөдөл илгээх боломжтой байна. Өргөдөл илгээхдээ дараах дарааллыг баримтална. Үүнд: 1. Тэтгэлгийн удирдлага системийн үйл ажиллагааны жагсаалтаас Өргөдөл-ийг сонгоход өргөдөл гэсэн цонх нээгдэнэ. 2. Өргөдөл цонхны өргөдлийн жагсаалтаас илгээх өргөдлийн мөрийг идэвхжүүлнэ. 3. Үйлдэл цэснээс өргөдөл илгээх үйлдлийг дарахад тухайн өргөдөл руу орно. 4. Баталгаажуулалт алхам дээр очиж өргөдөл илгээх товч дарна. 5. Өргөдөл илгээх эсэхийг асуусан дэд цонхны өргөдөл үнэн зөв бөглөсөн гэсний урд чеклээд тийм гэсэн товчийг дарна. 6. Өргөдөл илгээгдсэн төлөвтэй болно.
Алхамчилсан заавар: Алхам1: Тэтгэлгийн удирдлага системийн дээрх үндсэн цонхноос Өргөдөл үйл ажиллагааг сонгоно. Ингэхэд дараах цонх нээгдэнэ. Алхам2:
Өргөдөл цонхны баруун хэсэгт байрлах өөрийн бөглөсөн өргөдлийн жагсаалтаас илгээх өргөдлийн дугаар дээр дарж өргөдөл засах цонх руу орох эсвэл цонхны баруун дээд хэсэгт байрлах үйлдэл цэснээс өргөдөл илгээх гэснийг дарахад тухайн өргөдлийн бөглөсөн цонх руу орно. Санамж: Өргөдлийг илгээхээс өмнө заавал оруулсан мэдээллээ шалгаж Баталгаажуулалт алхам руу орж Өргөдөл илгээх үйлдлийг хийнэ үү. Алхам2 Цонхны баруун дээд хэсэгт байрлах хамгийн сүүлчийн алхам буюу баталгаажуулалт алхам дээр дарахад өргөдөл илгээх товч баруун дээд хэсэгт гарч ирнэ. Өргөдөл илгээх товчийг дарахад дараах дэд цонх нээгдэнэ. Анхааруулгыг уншиж танилцаад өргөдлийг үнэн зөв бөглөсөн гэсний урд байрлах талбарыг чеклээд илгээх товчийг дарахад тухайн өргөдөл илгээгдэнэ. Хэрэв дутуу мэдээлэл оруулсан тохиолдолд илгээгдэх боломжгүй байх бөгөөд системээс анхааруулга өгнө.
3. ӨРГӨДЛИЙН ТӨЛӨВ ТҮҮНИЙ ТУХАЙ ОЙЛГОЛТ Энэ дэд бүлэгт өргөдлийн төлөвийн тухай ойлголтыг өгнө. Өргөдлийн төлөв нь дараах төрлүүдтэй байна. Үүнд: Шинэ Илгээгдсэн Хүлээн авсан Буцаагдсан Тэнцсэн Шинэ: Энэ төлөв нь өргөдөл үүсгэж, бөглөж эхэлсэн бөгөөд хараахан илгээгүй байгааг илэрхийлнэ. Илгээгдсэн: Энэ төлөв нь өргөдөл бөглөж хадгалаад, илгээх үйлдэл хийснийг илэрхийлнэ. Илгээсэн төлөвтэй болсон өргөдлийг устгах, дахин засварлах боломжгүй. Хүлээн авсан: Энэ төлөв нь өргөдлийг баримт бичгийн сонгон шалгаруулалтад оруулах боломжтой болсныг илэрхийлнэ. Буцаагдсан: Энэ төлөв нь өргөдлийг баримт бичгийн сонгон шалгаруулалтад оруулах боломжгүй болсныг илэрхийлнэ. Өөрөөр хэлбэл өргөдөлд тавигдах шаардлагыг хангаагүй гэж ойлгоно. Тэнцсэн: Энэ төлөв нь өргөдөл нь шалгаруулалтад орсон бөгөөд дараагийн шатны шалгаруулалтад орох эрхтэй болсныг илэрхийлнэ. Өргөдлийн төлөвийг өргөдлийн жагсаалтаас харах боломжтой. Өргөдлийн төлөв буцаагдсан, тэнцсэн гэсэн төлөвийн аль нэг байгаа бол системийн мэдээ, зурвас хэсгээр дамжуулан буцаагдсан шалтгаан болон дараагийн шатны шалгаруулалт хэзээ хаана болох тухай мэдээлэл өгнө.